കണ്ണൂർ: ബഹറിനിലേക്ക് വെങ്കലത്തിൽ തീർത്ത ശ്രീനാരായണ ഗുരുദേവന്റെ മിനിയേച്ചർ പ്രതിമയും ശിവഗിരിയുടെയും ശില്പ രൂപമെത്തുന്നു. പയ്യന്നൂരിലെ കുഞ്ഞിമംഗലത്താണ് രൂപങ്ങൾ ഒരുങ്ങുന്നത് .ഒന്നര അടിയോളം വരുന്ന ശില്പത്തിന് രണ്ട് കിലോഗ്രാം ഭാരമുണ്ടാകും.

ശില്പി ചിത്രൻ കുഞ്ഞിമംഗലമാണ് ഈ വ്യത്യസ്തമായ ആദരവ് ശില്പത്തിന് രൂപകല്പന ചെയ്ത് നിർമ്മിച്ചത്. വിദേശ രാജ്യങ്ങളിലേക്ക് ഇതിനോടകം തന്നെ ശ്രദ്ധേയമായ നിരവധി ശില്പങ്ങൾ നിർമ്മിച്ചിട്ടുണ്ട് ചിത്രൻ. ഒരു മാസത്തോളം സമയമെടുത്താണ് ശിൽപം . വെങ്കല ലോഹക്കൂട്ടിൽ വാർത്തെടുത്ത് പോളീഷ് ചെയ്തതാണ് ശില്പങ്ങൾ.

പ്രമുഖർ പങ്കെടുക്കന്ന ചടങ്ങിൽ പ്രവാസി ഭാരതീയ സമ്മാൻ അവാർഡ് നേടിയ കെ .ജി.ബാബുരാജിനെ ശ്രീനാരായണ ധർമ്മ സംഘം പ്രസിഡന്റ് സച്ചിദാനന്ദ സ്വാമി ശില്പ രൂപം അടങ്ങുന്ന മൊമന്റൊ സമ്മാനിക്കും .ശ്രീനാരായണ കൾച്ചറൽ സൊസൈറ്റി ,ഗുരുദേവ സോഷ്യൽ സൊസൈറ്റി, ബഹറിൻ ബില്വാസ് ( ഗുരുദേവ സമിതി ) ബഹ്രിൻ ശ്രീനാരായണ കമ്മ്യൂണിറ്റി എന്നിവയുടെ നിർദേശപ്രകാരമാണ് ആദരവ് ശിൽപം നിർമ്മിക്കുന്നത്. കെ.ചിത്, കെ.വി.കിഷോർ , വി.വി.ഭാസ്‌ക്കരൻ , അനിൽകുമാർ എന്നിവർ ശില്പ നിർമാണത്തിൽ സഹായികളായി. ബഹറിൻ ജഷൻമൽ ഓഡിറ്റോറിയത്തിലാണ് ചടങ്ങ് .