കോഴിക്കോട്: സംസ്ഥാനതല സൗജന്യ സ്‌കൂൾ യൂണിഫോം വിതരണോദ്ഘാടനം മേയ് 6ന് വിദ്യാഭാസ തൊഴിൽ മന്ത്രി വി. ശിവൻ കുട്ടി നിർവഹിക്കും. നടക്കാവ് ഗവ. വൊക്കേഷണൽ ഹയർ സെക്കൻഡറി സ്‌കൂളിൽ രാവിലെ 10 മണിക്ക് നടക്കുന്ന പരിപാടിയോടനുബന്ധിച്ച് സ്വാഗതസംഘം രൂപീകരിച്ചു. തോട്ടത്തിൽ രവീന്ദ്രൻ എം.എൽ.എ ആണ് സമിതിയുടെ ചെയർമാൻ. മേയർ ഡോ. ബീനാ ഫിലിപ്പിനെ മുഖ്യ രക്ഷാധികാരിയായും വിദ്യാഭ്യാസ ഉപ ഡയറക്ടർ വി.പി. മിനിയെ ജനറൽ കൺവീനറായും തിരഞ്ഞെടുത്തു. പരിപാടിയോടനുബന്ധിച്ച് വിവിധ സബ് കമ്മിറ്റികളുടെ പ്രവർത്തനങ്ങൾ ആരംഭിച്ചു കഴിഞ്ഞു.