കൽപ്പറ്റ: സംസ്ഥാന സർക്കാറിന്റെ ഒന്നാം വാർഷികത്തോടനുബന്ധിച്ച് പൊതുവിതരണ ഉപഭോക്തൃകാര്യ വകുപ്പിന്റെ ആഭിമുഖ്യത്തിൽ ആരംഭിക്കുന്ന സുഭിക്ഷ ഹോട്ടൽ പദ്ധതിയുടെ സംസ്ഥാനതല ഉദ്ഘാടനം ഭക്ഷ്യപൊതുവിതരണ വകുപ്പു മന്ത്രി ജി.ആർ.അനിൽ ഓൺലൈനായി നിർവ്വഹിച്ചു. 20 രൂപ നിരക്കിൽ ഉച്ചഭക്ഷണവും മിതമായ നിരക്കിൽ മറ്റ് വിഭവങ്ങളും നൽകുന്ന പദ്ധതി എല്ലാ മണ്ഡലങ്ങളിലും ആരംഭിക്കുമെന്ന് മന്ത്രി അറിയിച്ചു. 'വിശപ്പുരഹിതം നമ്മുടെ കേരളം' എന്ന സന്ദേശവുമായാണ് സുഭിക്ഷ ഹോട്ടലുകളുടെ പ്രവർത്തനം.

കൽപ്പറ്റ മണ്ഡലത്തിലെ സുഭിക്ഷ ഹോട്ടൽ ചുണ്ടേലിൽ ടി.സിദ്ദിഖ് എം.എൽ.എ ഉദ്ഘാടനം ചെയ്തു. വൈത്തിരി പഞ്ചായത്ത് പ്രസിഡന്റ് എം.വി.വിജേഷ് അദ്ധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് ഉഷ ജ്യോതിദാസ്, താലൂക്ക് സപ്ലൈ ഓഫീസർ എ.കെ.റജീന, ജില്ലാ സപ്ലൈ ഓഫീസ് സീനിയർ സൂപ്രണ്ട് ജയിംസ് പീറ്റർ, ഷാജിമോൻ, രാഷ്ട്രീയ കക്ഷി പ്രതിനിധികൾ എന്നിവർ സംസാരിച്ചു.
ബത്തേരി മണ്ഡലത്തിലെ ഹോട്ടൽ മിനി സിവിൽ സ്റ്റേഷൻ കോംപൗണ്ടിലെ ക്യാന്റീൻ കെട്ടിടത്തിൽ നഗരസഭ ചെയർമാൻ ടി.കെ.രമേശ് ഉദ്ഘാടനം ചെയ്തു. ഭക്ഷ്യകമ്മീഷൻ അംഗം എം.വിജയലക്ഷ്മി, നഗരസഭ വൈസ് ചെയർപേഴ്സൺ എൽസി പൗലോസ്, ജില്ലാ സപ്ലൈ ഓഫീസർ പി.വി.ജയപ്രകാശ്, ബത്തേരി തഹസിൽദാർ വി.കെ.ഷാജി, ലിഷ, കെ.സുപ്രിയ, സാലി പൗലോസ്, ടോം ജോസ് എന്നിവർ സംസാരിച്ചു.