മാവൂർ: മാവൂർ ഗ്രാമപഞ്ചായത്തിൽ പ്രവൃത്തി പൂർത്തീകരിച്ച രണ്ട് റോഡുകളുടെ ഉദ്ഘാടനം പി.ടി.എ റഹീം എം.എൽ.എ നിർവഹിച്ചു. എളമ്പിലാശ്ശേരി പുന്നപ്പുറത്ത്താഴം റോഡ്, പുന്നപ്പുറത്ത്താഴം ക്രോസ് തണ്ടാൻകടവ് റോഡ് എന്നിവയാണ് നവീകരണ പ്രവൃത്തികൾ പൂർത്തീകരിച്ച് തുറന്നുകൊടുത്തത്. മാവൂർ ഗ്രാമപഞ്ചായത്ത് പ്രസിഡന്റ് പുലപ്പാടി ഉമ്മർ അദ്ധ്യക്ഷത വഹിച്ചു. കെ.വി റീന, സുധ കമ്പളത്ത്,രജിത സത്യൻ, എൻ.രജിത, വി.എം ബാലചന്ദ്രൻ, പി സുനോജ് കുമാർ പ്രസംഗിച്ചു. എൽ.എസ്.ജി.ഡി ഓവർസിയർ കെ.സജിന റിപ്പോർട്ട് അവതരിപ്പിച്ചു. സുരേഷ് പുതുക്കുടി സ്വാഗതവും പി.പ്രതീഷ് നന്ദിയും പറഞ്ഞു.