അത്തോളി: കനത്ത മഴയിൽ ഒള്ളൂർ ഗവ: യു പി സ്കൂളിന്റെ മതിൽ ഇടിഞ്ഞ് വീണ് കനത്ത നാശനഷ്ടം. കുടിവെള്ള ടാങ്കും മോട്ടോറും നശിച്ചു. തൊട്ടടുത്ത് ക്ലാസ് മുറികൾപ്രവർത്തിക്കുന്ന കോൺക്രീറ്റ് കെട്ടിടവും കിണറും മണ്ണിടിച്ചിൽ ഭീഷണിയിലാണ്. ഏകദേശം ഒന്നരലക്ഷം രൂപയുടെ നാശനഷ്ടമാണ് സംഭവിച്ചിട്ടുള്ളത്. വിദ്യാലയം തുറക്കാൻ ഏതാനും ദിവസങ്ങൾ മാത്രം അവശേഷിക്കുന്ന ഈ അവസരത്തിൽ കുട്ടികളുടെ കുടിവെള്ളം മുടങ്ങുമെന്ന ആശങ്കയിലാണ് രക്ഷിതാക്കളും നാട്ടുകാരും.