പേരാമ്പ്ര:ലോക തേനീച്ച ദിനാചരണത്തിന്റെ ഭാഗമായി പെരുവണ്ണാമൂഴി

കൃഷിവിജ്ഞാന കേന്ദ്രം തേനീച്ച കർഷക സംഗമം സംഘടിപ്പിച്ചു. ചക്കിട്ടപാറ ഗ്രാമ പഞ്ചായത്ത് വാർഡ് മെമ്പർ കെ.എ. ജോസുകുട്ടി ഉദ്ഘാടനം ചെയ്തു. തേനീച്ചകളുടെ മഴക്കാല സംരക്ഷണത്തെക്കുറിച്ചും ചെറുതേനീച്ചകളെക്കുറിച്ചും ഹോർട്ടികോർപ്പ് റിസോഴ്സ് പേഴ്സൺ ജി.എസ് രാജീവ് ക്ലാസ് നടത്തി. കെ.ടി. സുമേഷ്, വിനു കുര്യൻ ( തേനീച്ചക്കർഷകർ), ഡോ.കെ.എം. പ്രകാശ് (സബ്ജക്ട് മാറ്റർ സ്പെഷ്യലിസ്റ്റ് - അഗ്രോണമി ),​ ഡോ. കെ.കെ.ഐശ്വര്യ (സബ്ജക്ട് മാറ്റർ സ്പെഷലിസ്റ്റ് - സസ്യസംരക്ഷണം) എന്നിവർ പ്രസംഗിച്ചു. കെ.വി. കെ പ്രോഗ്രാം കോർഡിനേറ്റർ ഡോ. പി. രാധാകൃഷണൻ അദ്ധ്യക്ഷത വഹിച്ചു. ജില്ലയുടെ വിവിധ ഭാഗങ്ങളിൽ നിന്നുള്ള തേനീച്ചക്കർഷകർ പരിപാടിയിൽ പങ്കെടുത്തു.