ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെ യുവതീ യുവാക്കൾക്കുള്ള വിവാഹ പൂർവ കൗൺസലിംഗ് കോഴ്‌സിന്റെ 67ാമത് ബാച്ച് 7,8 തീയതികളിൽ മതുമൂല യൂണിയൻ ഓഫീസ് ഹാളിൽ നടക്കും. 7ന് രാവിലെ 9ന് യൂണിയൻ പ്രസിഡന്റ് ഗിരീഷ് കോനാട്ട് കോഴ്‌സ് ഉദ്ഘാടനം ചെയ്യും. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിക്കും. വൈസ് പ്രസിഡന്റ് പി.എം ചന്ദ്രൻ, ബോർഡ് മെമ്പർ എൻ.നടേശൻ തുടങ്ങിയവർ പങ്കെടുക്കും. ഗ്രെയ്‌സ് ലാൽ, രാജേഷ് പൊന്മല, സുരേഷ് പരമേശ്വരൻ, അനൂപ് വൈക്കം, ഡോ.ശരത്ചന്ദ്രൻ തുടങ്ങിയവർ ക്ലാസുകൾ നയിക്കും. കോഴ്‌സിൽ പങ്കെടുക്കാൻ ആഗ്രഹിക്കുന്നവർ യൂണിയൻ ഓഫീസിൽ നേരിട്ടോ ഫോൺ മുഖേനയോ പേര് രജിസ്റ്റർ ചെയ്യണമെന്ന് യൂണിയൻ സെക്രട്ടറി സുരേഷ് പരമേശ്വരൻ അറിയിച്ചു. ഫോൺ: 04812420915, 9447780915.