കോട്ടയം. കെ-സ്വിഫ്റ്റ് ബസ് ഇന്നോ നാളയോ കോട്ടയം ഡിപ്പോയിൽ എത്തും. അനുവദിച്ചിട്ട് ദിവസങ്ങളായിരുന്നെങ്കിലും പെർമിറ്റ് ലഭിക്കുന്നതിലെ തടസമാണ് വൈകാൻ കാരണമായത്. കോട്ടയം- ബംഗളുരു സർവീസാണ് നടത്തുക. ഭൂരിഭാഗം ജില്ലകളിലെല്ലാം സ്വിഫ്റ്റ് സർവീസ് ആരംഭിച്ചപ്പോഴും കോട്ടയം കാത്തിരിപ്പിലായിരുന്നു. നിലവിൽ കോട്ടയം വഴി നാലു ബസുകളാണ് ബംഗളുരുവിലേയ്ക്ക് കെ.എസ്.ആർ.ടി.സിക്കുള്ളത്. കോട്ടയത്ത് നിന്ന് നിലവിലുള്ള ബംഗളുരു സർവീസ് സൂപ്പർ ഡീലക്സ് വിഭാഗത്തിലുള്ളതാണ്. 818 രൂപയാണ് ചാർജ്. തിരുവനന്തപുരത്തു നിന്നു വരുന്ന മൾട്ടി ആക്‌സിൽ എ.സിയിൽ 1197 രൂപയും പത്തനംതിട്ടയിൽ നിന്നു വരുന്ന സ്വിഫ്റ്റ് എ.സിയിൽ 1091 രൂപയുമാണ് നിരക്ക്.