മുണ്ടക്കയം : പുഞ്ചവയൽ ശ്രീനാരായണ ഗുരുദേവ ക്ഷേത്രത്തിലെ പഞ്ചലോഹ വിഗ്രഹ പ്രതിഷ്ഠയുടെ മൂന്നാമത് വാർഷികവും,​ ഉത്സവത്തിനും നാളെ കൊടിയേറും. നാളെ രാവിലെ 9 ന് കൊടിയേറ്റ്, 10 ന് മൃത്യുഞ്ജയഹോമം, 12 ന് പ്രതിഷ്ഠാ വാർഷിക സമ്മേളനം. എസ്.എൻ.ഡി.പി യോഗം ഹൈറേഞ്ച് യൂണിയൻ സെക്രട്ടറി അഡ്വ. പി ജീരാജ് സമ്മേളനം ഉദ്ഘാടനം ചെയ്യും. യൂണിയൻ വൈസ് പ്രസിഡന്റ് ലാലിറ്റ് എസ്.തകടിയേൽ പ്രതിഷ്ഠാദിന സന്ദേശം നൽകും. യൂണിയൻ പ്രസിഡന്റ് ബാബു ഇടയാടിക്കുഴി മുഖ്യപ്രഭാഷണം നടത്തും. ഡോ.പി.അനിയൻ, ഷാജി ഷാസ്, സി. എൻ.മോഹനൻ, എം.സി.ബിനു തുടങ്ങിയവർ പങ്കെടുക്കും. വൈകിട്ട് 7.30 മുതൽ ഹരിപ്പാട് ദേവസേന ഭജൻസ് അവതരിപ്പിക്കുന്ന നാമസങ്കീർത്തനം. 9 ന് ഉച്ചയ്ക്ക് 12.15ന് ഉഷ പൊൻകുന്നത്തിന്റെ ഗുരുദേവ പ്രഭാഷണം. വൈകിട്ട് 7.30ന് കുമാരി സംഘം അവതരിപ്പിക്കുന്ന ഡാൻസും, തുടർന്ന് വനിതാ സംഘത്തിന്റെ തിരുവാതിരയും. 10 ന് ഉച്ചയ്ക്ക് 12.15ന് ഡോ.ഗിരിജ പ്രസാദിന്റെ ഗുരുദേവ പ്രഭാഷണം. 5.45 ന് താലപ്പൊലി ഘോഷയാത്ര. 7.30 മുതൽ ഫോക്‌ലോർ അക്കാഡമി അവാർഡ് ജേതാവ് പി.സി ദിവാകരൻകുട്ടി നയിക്കുന്ന "വെള്ളപ്പൂനാട് " നാടൻപാട്ട്.