ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെ യുവതീ യുവാക്കൾക്കുള്ള വിവാഹപൂർവ കൗൺസലിംഗ് കോഴ്‌സിന്റെ 67-ാമത് ബാച്ച് ആരംഭിച്ചു. യൂണിയൻ മന്ദിരഹാളിൽ യൂണിയൻ വൈസ് പ്രസിഡന്റ് പി.എം ചന്ദ്രൻ ഉദ്ഘാടനം നിർവഹിച്ചു. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിച്ചു. ഡയറക്ടർ ബോർഡ് മെമ്പർ എൻ.നടേശൻ സ്വാഗതവും ജോയിന്റ് കോ ഓർഡിനേറ്റർ രമേശ് കോച്ചേരി നന്ദിയും പറഞ്ഞു. യൂത്ത്മൂവ്‌മെന്റ് ജോയിന്റ് സെക്രട്ടറി ഡിനു കെ.ദാസ് ആശംസകൾ അർപ്പിച്ചു. വിവിധ വിഷയങ്ങളിൽ ഡോ. ശരത്ചന്ദ്രൻ, ഗ്രെയ്‌സ് ലാൽ, രാജേഷ് പൊന്മല, സുരേഷ് പരമേശ്വരൻ, അനൂപ് വൈക്കം, സജീവ് പൂവത്ത് എന്നിവർ ക്ലാസുകൾ നയിക്കും. കോഴ്‌സ് ഇന്ന് വൈകുന്നേരം സമാപിക്കും. വൈകുന്നേരം 4.30ന് നടക്കുന്ന സമാപന സമ്മേളനത്തിൽ യൂണിയൻ പ്രസിഡന്റ് ഗിരീഷ് കോനാട്ട് സർട്ടിഫിക്കറ്റുകൾ വിതരണം ചെയ്യും.