കുഴിമറ്റം : എസ്.എൻ.ഡി.പി യോഗം 4892-ാം നമ്പർ കുഴിമറ്റം ശ്രീനാരായണതീർത്ഥർ സ്വാമി സ്മാരക ശാഖയിലെ 4 കുടുംബയോഗങ്ങളുടെയും സംയുക്ത പൊതുയോഗവും കുടുംബസംഗമവും 15 ന് ശാഖാ ഹാളിൽ നടക്കും. രാവിലെ 9 ന് പതാക ഉയർത്തൽ, 9.30 മുതൽ കുട്ടികളുടെ കലാപരിപാടികൾ, 11 ന് ബോധവൽക്കരണ ക്ലാസ് രാജേഷ് മണിമല നയിക്കും. ഉച്ചയ്ക്ക് 1 ന് കുടുംബസംഗമം യോഗം ചങ്ങനാശേരി യൂണിയൻ പ്രസിഡന്റ് ഗിരീഷ് കോനാട്ട് ഉദ്ഘാടനം ചെയ്യും. ശാഖാ പ്രസിഡന്റ് എൻ.ഡി ശ്രീകുമാർ അദ്ധ്യക്ഷത വഹിക്കും. കുറിച്ചി അദ്വൈതവിദ്യാശ്രമം സെക്രട്ടറി സ്വാമി കൈവല്യാനന്ദ സരസ്വതി അനുഗ്രഹപ്രഭാഷണം നടത്തും. ചങ്ങനാശേരി യൂണിയൻ സെക്രട്ടറി സുരേഷ് പരമേശ്വരൻ മുഖ്യപ്രഭാഷണം നടത്തും. 1.30 ന് കണക്ക് അവതരണം, തുടർന്ന് തിരഞ്ഞെടുപ്പ്. പി.അജയകുമാർ, പി.എസ് കൃഷ്ണൻ കുട്ടി, പി.മാധവൻ, അനിൽ കണ്ണാടി, കെ.എൽ ലളിതമ്മ എന്നിവർ പങ്കെടുക്കും. ശാഖാ സെക്രട്ടറി പി.കെ വാസു സ്വാഗതവും, കൺവീനർ ദീപാ അനിൽ നന്ദിയും പറയും.