പൊൻകുന്നം: വാഴൂർ ബ്ലോക്ക് പഞ്ചായത്ത് 2021,22 വാർഷിക പദ്ധതിൽ ഉൾപ്പെടുത്തി കാഞ്ഞിരപ്പള്ളി ജനറൽ ആശുപത്രിയുടെ അടിസ്ഥാന സൗകര്യം മെച്ചപ്പെടുത്തുന്നതിന്റെ ഭാഗമായി ആശുപത്രിക്ക് ഉപകരണങ്ങൾ കൈമാറി.100 ബഡ് സൈഡ് ലോക്കർ,140 കസേരകൾ, 5 ലക്ഷം രൂപ വരുന്ന വാട്ടർ പ്യൂരിഫയറും, കൂളറും ഉൾപ്പെടെ 7.50 ലക്ഷം രൂപയുടെ ഉപകരണങ്ങളാണ് ബ്ലോക്ക് പഞ്ചായത്ത് അശുപത്രിയ്ക്ക് നൽകിയത്. ഗവ.ചീഫ് വിപ്പ് ഡോ. എൻ. ജയരാജ് ഉപകരണങ്ങൾ ആശുപത്രി സൂപ്രണ്ട് ഡോ.എം ശാന്തിക്ക് കൈമാറി.

വാഴൂർ ബ്ലോക്ക് പഞ്ചായത്ത് പ്രസിഡന്റ് മുകേഷ്.കെ.മാണി അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് സ്ഥിരം സമിതി അദ്ധ്യക്ഷൻമാരായ ഷാജി പാമ്പൂരി,ലത ഷാജൻ,ബ്ലോക്ക് പഞ്ചായത്തംഗങ്ങളായ ബി.രവീന്ദ്രൻ നായർ, മിനി സേതുനാഥ്, ലത ഉണ്ണികൃഷ്ണൻ, ബി.ഡി.ഒ പി.എൻ സുജിത്, നഴ്‌സിംഗ് സൂപ്രണ്ട് അംബിക പി.ജി തുടങ്ങിയവർ സംസാരിച്ചു.