പാലാ: കൂട്ടുകൂടിയും പാട്ടുപാടിയും ഒത്തുചേരാൻ എസ്.എൻ.ഡി.പി യോഗം മീനച്ചിൽ യൂണിയനിൽ കുട്ടികൾക്കായി ആലിപ്പഴം 2022 അവധിക്കാല ക്യാമ്പ് വരുന്നു. 20, 21 തീയതികളിൽ പാലാ മുനിസിപ്പൽ ടൗൺഹാളിലാണ് ക്യാമ്പ് നടത്തുന്നതെന്ന് ഭാരവാഹികളായ എം.ബി ശ്രീകുമാർ, എം.പി സെൻ, മിനർവാ മോഹൻ, സോളി ഷാജി, അനീഷ് ഇരട്ടയാനി എന്നിവർ അറിയിച്ചു. മീനച്ചിൽ യൂണിയനും കേരളകൗമുദിയും വനിതാസംഘവും യൂത്ത്മൂവ്‌മെന്റും സംയുക്തമായാണ് ക്യാമ്പ് സംഘടിപ്പിക്കുന്നത്.

20ന് രാവിലെ 8.30ന് രജിസ്‌ട്രേഷൻ ആരംഭിക്കും. 9ന് മീനച്ചിൽ യൂണിയൻ ചെയർമാൻ എം.ബി ശ്രീകുമാറിന്റെ അദ്ധ്യക്ഷതയിൽ ചേരുന്ന സമ്മേളനത്തിൽ എസ്.എൻ ട്രസ്റ്റ് ബോർഡ് മെമ്പർ പ്രീതി നടേശൻ ക്യാമ്പ് ഉദ്ഘാടനം ചെയ്യും. സിനിമാതാരം മീനാക്ഷി മുഖ്യാതിഥിയായി പങ്കെടുക്കും. ഇൻകം ടാക്‌സ് കമ്മീഷണർ ജ്യോതിസ് മോഹൻ മുഖ്യപ്രഭാഷണം നടത്തും. ലാലിറ്റ് എസ്. തകടിയിൽ, രാമപുരം സി.റ്റി. രാജൻ, എം.ആർ. ഉല്ലാസ്, അരുൺ കുളംപള്ളിൽ, ഗിരീഷ് വാഴയിൽ, മിനർവാ മോഹൻ, സോളി ഷാജി എന്നിവർ ആശംസകൾ നേരും. എം.പി. സെൻ സ്വാഗതവും അനീഷ് ഇരട്ടയാനി നന്ദിയും പറയും. 10.30ന് അനൂപ് വൈക്കം ക്ലാസെടുക്കും. 12ന് ബാലമാന്ത്രികൻ മജീഷ്യൻ കണ്ണൻമോൻ അവതരിപ്പിക്കുന്ന മാജിക് ഷോ. ഉച്ചതിരിഞ്ഞ് 2ന് വാവാ സുരേഷ് ക്യാമ്പിലെ കുട്ടികളുമായി സംവദിക്കും. 3ന് നാടൻപാട്ട് ശീലുകളുമായി ദീപാ ദാസ് എത്തും. ക്യാമ്പിന്റെ രണ്ടാം ദിവസമായ 21ന് രാവിലെ 9ന് ബിബിൻ ഷാൻ നയിക്കുന്ന ക്ലാസ്. 11ന് ഡോ. ഷൈനി ആന്റണി നേതൃത്വം നൽകുന്ന സൂംബാ ഡാൻസ്, 1ന് നറുക്കെടുപ്പ് വിജയികൾക്ക് കേരളകൗമുദി കോട്ടയം യൂണിറ്റ് ചീഫ് ആർ.ബാബുരാജ് സമ്മാനങ്ങൾ വിതരണം ചെയ്യും. 1.30ന് ജിൻസ് ഗോപിനാഥ്, റെജി രാമപുരം, ജോബി പാലാ എന്നിവർ നയിക്കുന്ന മ്യൂസിക്‌കോമഡി ഷോ. ക്യാമ്പിൽ പങ്കെടുക്കാൻ ആഗ്രഹിക്കുന്നവർ രജിസ്‌ട്രേഷനായി 9447 231074, 9446 401762, 04822 212625 എന്നീ ഫോൺ നമ്പരുകളിൽ ബന്ധപ്പെടണം.