പാലാ: എസ്.എൻ.ഡി.പി യോഗം വലവൂർ 162ാം ശാഖയിലെ 17 ാമത് ഗുരുദേവ പ്രതിഷ്ഠാ വാർഷികോത്സവം 29ന് നടക്കും. രാവിലെ 6.30ന് ഗണപതിഹവനം, 7.30ന് ഗുരുപൂജ, 8.30ന് പതാക ഉയർത്തൽ, 9ന് സമൂഹപ്രാർത്ഥന,10ന് നടക്കുന്ന വാർഷികസമ്മേളനം മീനച്ചിൽ യൂണിയൻ കൺവീനർ എം.പി സെൻ ഉദ്ഘാടനം ചെയ്യും. ശാഖാ പ്രസിഡന്റ് വി.എൻ ശശി അദ്ധ്യക്ഷത വഹിക്കും. ശിവഗിരി മഠം ബോർഡ് മെമ്പർ സ്വാമി ബോധിതീർത്ഥ അനുഗ്രഹപ്രഭാഷണം നടത്തും. വി.ആർ ജോഷി പ്രതിഷ്ഠാദിന സന്ദേശം നൽകും. സരസമ്മ ബാലകൃഷ്ണൻ, ഗോകുൽ ഗോപി, തങ്കമ്മ ചെല്ലപ്പൻ, ഉണ്ണി മണ്ണായത്ത്, കെ.ആർ മനോജൻ, എ.ആർ ചന്ദ്രൻ എന്നിവർ പ്രസംഗിക്കും. 1ന് പ്രസാദമൂട്ട്, 2ന് കുട്ടികളുടെ കലാപരിപാടികൾ, 5ന് നൃത്തം, 6.30ന് ദീപാരാധന, 7ന് കോമഡി ഷോ എന്നിവയാണ് പ്രധാന പരിപാടികൾ.