വൈക്കം. കേന്ദ്രസർക്കാരിന്റെ ജനവിരുദ്ധ നയങ്ങൾ തിരുത്തുക, കേരള സർക്കാരിന്റെ ജനപക്ഷ ബദൽ ഉയർത്തിപ്പിടിക്കുക, പി.എഫ്.ആർ.ഡി.എ നിയമം പിൻവലിക്കുക തുടങ്ങിയ ആവശ്യങ്ങൽ ഉന്നയിച്ച് കേരള എൻ.ജി.ഒ യൂണിയൻ 26 ന് നടത്തുന്ന ജില്ലാ മാർച്ചിന്റെയും ധർണയുടെയും ഭാഗമായി വൈക്കത്ത് യൂണിറ്റ് വിശദീകരണ യോഗം നടത്തി. വൈക്കം സിവിൽ സ്റ്റേഷനു സമീപത്തു നടന്ന പൊതുയോഗം എൻ.ജി.ഒ യൂണിയൻ സംസ്ഥാന സെക്രട്ടേറിയറ്റ് അംഗം സി.വി.സുരേഷ് ഉദ്ഘാടനം ചെയ്തു. യൂണിറ്റ് കൺവീനർ പ്രശാന്ത് വി.സേനൻ അദ്ധ്യക്ഷത വഹിച്ചു. ജോയിന്റ് കൺവീനർ അശ്വതി പുരുഷൻ, വി.സജിമോൻ, ജയ്‌മോൻ എന്നിവർ പ്രസംഗിച്ചു.