മുണ്ടക്കയം : പ്രളയത്തിൽ വീട് നഷ്ടപ്പെട്ട കൂട്ടിക്കൽ പഞ്ചായത്തിലെ ഒരു കുടുംബത്തിന് കൈത്താങ്ങുമായി കോരുത്തോട് ഗ്രാമപഞ്ചായത്തിലെ സി.ഡി.എസ്. ശിലാസ്ഥാപനം ഇന്ന് രാവിലെ 10 ന് അഡ്വ.സെബാസ്റ്റ്യൻ കുളത്തിങ്കൽ എം.എൽ.എ ഇളങ്കാട് ടോപ്പിൽ നിർവഹിക്കും. കോരുത്തോട് ഗ്രാമപഞ്ചായത്ത് പ്രസിഡന്റ് സന്ധ്യാ വിനോദ് അദ്ധ്യക്ഷത വഹിക്കും. കൂട്ടിക്കൽ ഗ്രാമപഞ്ചായത്ത് പ്രസിഡന്റ് സജിമോൻ പി.എസ്, കോരുത്തോട് കുടുംബശ്രീ ചെയർപേഴ്‌സൺ അനീഷ ഷാജി, കൂട്ടിക്കൽ കുടുംബശ്രീ ചെയർപേഴ്‌സൺ ആശ ബിജു എന്നിവർ പങ്കെടുക്കും. കോരുത്തോട് പഞ്ചായത്തിലെ 13 വാർഡുകളിലായി 2,600 കുടുംബശ്രീ അംഗങ്ങളിൽ നിന്ന് സ്വരൂപിച്ച 7 ലക്ഷം രൂപ വിനിയോഗിച്ചാണ് വീട് നിർമ്മിച്ച് നൽകുന്നത്.