വലവൂർ: എസ്.എൻ.ഡി.പി യോഗം 162ാം നമ്പർ ശാഖയിലെ 17ാമത് ഗുരുദേവ പ്രതിഷ്ഠാ വാർഷിക മഹോത്സവം 29ന് നടക്കും.

രാവിലെ 6.30ന് ഗണപതിഹവനം, 7.30 മുതൽ മോഹനൻ തന്ത്രിയുടെ നേതൃത്വത്തിൽ ഗുരുപൂജ, 8.30ന് ശാഖാ പ്രസിഡന്റ് വി.എൻ ശശി വാകയിൽ പതാക ഉയർത്തും. 9ന് സമൂഹപ്രാർത്ഥന, 10ന് നടക്കുന്ന വാർഷിക സമ്മേളനം മീനച്ചിൽ യൂണിയൻ കൺവീനർ എം.പി. സെൻ ഉദ്ഘാടനം ചെയ്യും. ശാഖാ പ്രസിഡന്റ് വി.എൻ.ശശി വാകയിൽ അദ്ധ്യക്ഷത വഹിക്കും. ശിവഗിരി മഠം ബോർഡ് മെമ്പർ സ്വാമി ബോധിതീർത്ഥ അനുഗ്രഹ പ്രഭാഷണം നടത്തും. പിന്നാക്ക വികസന വകുപ്പ് റിട്ട. ഡയറക്ടർ വി.ആർ. ജോഷി പ്രതിഷ്ഠാദിന സന്ദേശം നൽകും. സരസമ്മ ബാലകൃഷ്ണൻ, ഗോകുൽ ഗോപി, തങ്കമ്മ ചെല്ലപ്പൻ, ഉണ്ണി മണ്ണായത്ത്, കെ.ആർ. മനോജൻ, എ.ആർ. ചന്ദ്രൻ എന്നിവർ പ്രസംഗിക്കും. 1ന് പ്രസാദമൂട്ട്, 2ന് കുട്ടികളുടെ കലാപരിപാടികൾ, 5 ന് നൃത്തം, 6.30 ന് ദീപാരാധന, 7ന് കോമഡി ഷോ എന്നിവയാണ് പ്രധാന പരിപാടികൾ.