തലയോലപ്പറമ്പ്: എസ്.എൻ.ഡി.പി യോഗം 4472ാം നമ്പർ വെട്ടിക്കാട്ടുമുക്ക് ശാഖയുടെയും കോട്ടയം ഗുരുനാരായണ സേവാ നികേതന്റെയും സംയുക്താഭിമുഖ്യത്തിൽ നടന്ന സത്സംഗവും സംയുക്ത കുടുംബസംഗമവും യൂണിയൻ സെക്രട്ടറി എസ്.ഡി സുരേഷ്ബാബു ഉദ്ഘാടനം ചെയ്തു. ശാഖാ പ്രസിഡന്റ് സന്തോഷ് കാലായിൽ അദ്ധ്യക്ഷത വഹിച്ചു. സേവാനികേതൻ മുഖ്യആചാര്യൻ കെ.എൻ ബാലാജി അനുഗ്രഹ പ്രഭാഷണം നടത്തി. സന്തോഷ് കരിപ്പുറത്തിന്റെ വസതിയിൽ ചേർന്ന സംഗമത്തിൽ ഷാജി കേളപ്പനേഴത്ത്, വനിതാസംഘം പ്രസിഡന്റ് സുപ്രഭ, സെക്രട്ടറി രമ്യാ സന്തോഷ്, യൂത്ത്മൂവ്മെന്റ് പ്രസിഡന്റ് സുനിൽ രാജ് കടൂശേരിൽ, വടയാർ സുരേഷ്, ഗോപാലകൃഷ്ണൻ, സാബു, രാജു പിറവം തുടങ്ങിയവർ സംസാരിച്ചു.