വൈക്കം: എസ്.എൻ.ഡി.പി യോഗം 1578ാം നമ്പർ കൂവം ചേന്തുരത്ത് ശാഖയുടെ നേതൃത്വത്തിൽ പഠനോപകരണങ്ങൾ വിതരണം ചെയ്തു. അങ്കണവാടി മുതൽ പത്താം ക്ലാസ് വരെയുള്ള ഇരുന്നൂറിലധികം വിദ്യാർഥികൾക്കാണ് പഠനോപകരണങ്ങൾ നല്കിയത്. യൂണിയൻ പ്രസിഡന്റ് പി.വി ബിനേഷ് വിതരണം ഉദ്ഘാടനം ചെയ്തു. ശാഖാ പ്രസിഡന്റ് കെ.കെ അജേന്ദ്രൻ അദ്ധ്യക്ഷത വഹിച്ചു. പി.എ സതീശൻ, എൻ.എൻ പവനൻ, ശാഖാ സെക്രട്ടറി പി.ആർ തിരുമേനി, പി.റ്റി പൊന്നപ്പൻ, ജി. കരുണാനിധി, ഡി. സിബിലാൽ, രത്‌നമ്മ, സരിത, സജിമോൻ, സുഭാഷ്, സന്ധ്യാമോൾ, കെ. വേലായുധൻ, കെ.യു ഉമേഷ് എന്നിവർ പ്രസംഗിച്ചു.