എരുമേലി : എസ്.എൻ.ഡി.പി യോഗം 1695-ാം നമ്പർ കരിങ്കലുംമുഴി ശാഖയിൽ ശ്രീനാരായണ ഗുരുദേവന്റെ മുഖം ശാഖാ ബോർഡിൽ വികൃതമാക്കിയ സാമൂഹ്യവിരുദ്ധർക്കെതിരെ ശക്തമായ നടപടികൾ ആവശ്യപ്പെട്ട് പ്രതിഷേധ പ്രകടനം നടത്തി. യൂണിയൻ ചെയർമാൻ എം.ആർ. ഉല്ലാസ് ഉദ്ഘാടനം ചെയ്തു. യൂണിയൻ കൺവീനർ എം.വി.അജിത്കുമാർ അദ്ധ്യക്ഷത വഹിക്കും. വൈസ് ചെയർമാൻ കെ.ബി.ഷാജി മുഖ്യപ്രഭാഷണം നടത്തി. കരിങ്കലുംമുഴി ശാഖാ പ്രസിഡന്റ് ദാമോദരൻ എം.കെ സ്വാഗതവും, യൂണിയൻ ജോ.കൺവീനർ വിനോദ് ജി നന്ദിയും പറഞ്ഞു. യൂണിയൻ കൗൺസിൽ അംഗങ്ങളായ രവികുമാർ, സന്തോഷ്, യൂത്ത്മൂവ്‌മെന്റ് ചെയർമാൻ ഷിൻ ശ്യാമളൻ, വൈസ് ചെയർമാൻ ഉണ്ണികൃഷ്ണൻ, കൺവീനർ റെജിമോൻ പൊടിപ്പാറ, വനിതാസംഘം ചെയർമാൻ സുജാത ഷാജി, കൺവീനർ ശോഭന മോഹൻ, കമ്മിറ്റി അംഗം സുധാമണി, വൈദിക സമിതി വൈസ് പ്രസിഡന്റ് ബിജു ശാന്തി, കരിങ്കല്ലുംമുഴി ശാഖാ സെക്രട്ടറി അനിത, വിവിധ ശാഖാ പ്രസിഡന്റ്, സെക്രട്ടറിമാർ, കമ്മിറ്റി അംഗങ്ങൾ, ശാഖാ അംഗങ്ങൾ തുടങ്ങിയവർ പങ്കെടുത്തു.