കോട്ടയം. എ.ഡി.സൈന്റിഫിക് ഇൻഡക്‌സ് ശാസ്ത്രജ്ഞൻമാർക്കായി നടത്തിയ റാങ്കിംഗിൽ കേരളത്തിൽ ഒന്നാം സ്ഥാനം നിലനിർത്തി എം.ജി. വൈസ് ചാൻസലറും നാനോപോളിമർ സയൻസ് ശാസ്ത്രജ്ഞനുമായ ഡോ.സാബു തോമസ്. ഗവേഷണ ഫലങ്ങളേയും ഗവേഷണ പ്രവർത്തനങ്ങളെയും ശാസ്ത്രീയമായി മൂല്യനിർണയം നടത്തുന്ന എച്ച്.സൂചിക, ഐ10 സൂചിക, മറ്റ് ഗവേഷണ പ്രബന്ധങ്ങളിൽ ഉപയോഗിച്ചിട്ടുളള ഉദ്ധരണികൾ തുടങ്ങിയ മാനദണ്ഡങ്ങളുടെ അടിസ്ഥാനത്തിലാണിത്. പ്രൊഫ.സാബു തോമസിന് എച്ച്‌ സൂചികയിൽ ആകെ 120 സ്‌കോറും ഐ 10 സൂചികയിൽ 988 സ്‌കോറും ലഭിച്ചിട്ടുണ്ട്. പ്രൊഫ.സാബു തോമസിന്റെ ഗവേഷണ പ്രബന്ധങ്ങളിൽ നിന്നുള്ള 70681 ഉദ്ധരണികൾ മറ്റ് ഗവേഷകർ അവരുടെ പ്രബന്ധങ്ങളിൽ ഉപയോഗിച്ചിട്ടുണ്ട്.