തിരുവനന്തപുരം: ചെറിയ പെരുന്നാള്‍ പ്രമാണിച്ച് സംസ്ഥാനത്ത് ചൊവ്വാഴ്‌ചയും അവധിയായിരിക്കുമെന്ന് സർക്കാർ അറിയിച്ചു. എല്ലാ സർക്കാർ സ്ഥാപനങ്ങൾക്കും വിദ്യാഭ്യാസ സ്ഥാപനങ്ങൾക്കും ബാങ്കുകള്‍ക്കും നാളെ അവധി ആയിരിക്കും. നെഗോഷ്യബിള്‍ ഇന്‍സ്ട്രമെന്റ് ആക്ട് പ്രകാരമാണ് അവധി.
ചെറിയ പെരുന്നാൾ തിങ്കളാഴ്ച ആണെന്ന് കരുതി നേരത്തെ തന്നെ സർക്കാർ അവധി പ്രഖ്യാപിച്ചിരുന്നു. എന്നാൽ മാസപിറവി കാണാത്തതിനാൽ ചെറിയ പെരുന്നാൾ ചൊവ്വാഴ്‌ചയായിരിക്കുമെന്ന് പ്രഖ്യാപനം വന്നു. പെരുന്നാൾ ദിനത്തിൽ മാറ്റമുണ്ടായെങ്കിലും ഇന്നത്തെ അവധി തുടരാൻ സർക്കാർ തീരുമാനിക്കുകയായിരുന്നു