കൊച്ചി: തൃക്കാക്കരയിൽ സ്ഥാനാർത്ഥിയെ തീരുമാനിക്കാൻ സി പി എം ജില്ലാ കമ്മിറ്റി യോഗം ഇന്ന്. കൊച്ചി മേയർ എം അനിൽകുമാർ, ജില്ലാ കമ്മിറ്റിയംഗം കെ എസ് അരുൺകുമാർ, കോളേജ് അദ്ധ്യാപിക കൊച്ചുറാണി ജോസഫ് എന്നിവരെയാണ് പരിഗണിക്കുന്നത്.

എൽ ഡി എഫ് അംഗബലം നൂറായി ഉയരുമെന്ന് എൽ ഡി എഫ് കൺവീനർ ഇ പി ജയരാജൻ പ്രതികരിച്ചു. അതേസമയം ഇന്നോ നാളെയോ സ്ഥാനാർത്ഥിയെ തീരുമാനിക്കാനാണ് ബി ജെ പിയുടെ നീക്കം. എ എൻ രാധാകൃഷ്ണൻ അടക്കമുള്ളവരുടെ പേരുകളാണ് പരിഗണിക്കുന്നത്.

കോൺഗ്രസ് എം എൽ എ പി ടി തോമസിന്റെ അകാല വിയോഗത്തെത്തുടർന്നാണ് തൃക്കാക്കരയിൽ ഉപതിരഞ്ഞെടുപ്പ് നടക്കുന്നത്. പി ടി തോമസിന്റെ ഭാര്യ ഉമ തോമസാണ് യു ഡി എഫ് സ്ഥാനാർത്ഥിയായി മത്സരിക്കുന്നത്. ഈ മാസം 31ന് ഉപതിരഞ്ഞെടുപ്പ് നടക്കും. ജൂൺ മൂന്നിനാണ് വോട്ടെണ്ണൽ.