കൊച്ചി: കഴിഞ്ഞ വർഷത്തെ ജനുവരി-മാർച്ചുപാദത്തിൽ കനറാ ബാങ്കിന്റെ ലാഭം 64.90 ശതമാനം ഉയർന്ന് 1,666 കോടി രൂപയിലെത്തി. നിക്ഷേപം 6.69 ശതമാനവും വായ്‌പകൾ 8.96 ശതമാനവും വർദ്ധിച്ചു. റീട്ടെയിൽ വായ്പകൾ 9.51 ശതമാനവും ഭവന വായ്പകൾ 14.77 ശതമാനവും മെച്ചപ്പെട്ടു. 12.75 ശതമാനമാണ് കാർഷിക വായ്പകളിലെ വർദ്ധന.

മൊത്തം നിഷ്‌ക്രിയ ആസ്‌തി 8.93 ശതമാനത്തിൽ നിന്ന് 7.51 ശതമാനത്തിലേക്കും അറ്റ നിഷ്‌ക്രിയ ആസ്‌തി 3.82 ശതമാനത്തിൽ നിന്ന് 2.65 ശതമാനത്തിലേക്കും കുറഞ്ഞത് നേട്ടമായി.