ഭൂമി​ശാ​സ്ത്ര​മോ​ ​ജ്യോ​തി​ശാ​സ്ത്ര​മോ​ ​ഒ​ന്നും​ ​മ​റി​യ​ക്കു​ട്ടി​ ​കാ​ര്യ​മാ​യി​ ​പ​ഠി​ച്ചി​ട്ടി​ല്ല.​ ​പ​ഴ​യ​ ​എ​ട്ടാം​ ​ക്ളാ​സ്.​ ​വ​ലി​യ​ ​കൂ​ട്ടു​കു​ടും​ബ​ത്തി​ൽ​ ​വ​ന്ന​ ​ശേ​ഷം​ ​സ്നേ​ഹ​ബ​ന്ധ​ങ്ങ​ളി​ലും​ ​സേ​വ​ന​ത്തി​ലും​ ​ഡോ​ക്ട​റേ​റ്റ് ​എ​ടു​ത്തെ​ന്ന് ​ഭ​ർ​ത്താ​വ് ​ആ​ന്റ​ണി​ ​വ​ല്ല​പ്പോ​ഴും​ ​പ്ര​ശം​സി​ക്കു​മാ​യി​രു​ന്നു.​ ​വെ​ളു​ത്തു​ ​സു​ന്ദ​ര​നാ​യ​ ​ആ​ന്റ​ണി​ക്കൊ​പ്പം​ ​പോ​കു​മ്പോ​ൾ​ ​നി​റം​ ​കു​റ​ഞ്ഞ​ ​മ​റി​യ​യെ​ ​നോ​ക്കി​ ​അ​ർ​ത്ഥം​ ​വ​ച്ച് ​ചി​രി​ക്കു​മാ​യി​രു​ന്നു​ ​ചി​ല​ർ.​ ​മ​റി​യ​ ​അ​തു​ ​കാ​ര്യ​മാ​ക്കാ​റി​ല്ല.​ ​എ​ല്ലാ​വ​രോ​ടും​ ​സ്നേ​ഹ​പൂ​ർ​വം​ ​പെ​രു​മാ​റ്റം.​ ​വ​ലി​യ​വ​രെ​ന്നോ​ ​ചെ​റി​യ​വ​രെ​ന്നോ​ ​ഉ​ള്ള​ ​ഭേ​ദ​മി​ല്ല.​ ​വീ​ട്ടി​ൽ​ ​വ​ന്നാ​ൽ​ ​വെ​ള്ള​മെ​ങ്കി​ലും​ ​കൊ​ടു​ത്തേ​ ​വി​ടൂ.​ ​ക​ല്യാ​ണം​ ​ക​ഴി​ഞ്ഞ് ​ര​ണ്ടു​വ​ർ​ഷം​ ​ക​ഴി​ഞ്ഞ​പ്പോ​ഴേ​ക്കും​ ​മ​റി​യ​യാ​ണ് ​ഗ്രാ​മ​ത്തി​ന്റെ​ ​ഐ​ശ്വ​ര്യ​മെ​ന്ന് ​ആ​ളു​ക​ൾ​ ​പ​റ​യാ​ൻ​ ​തു​ട​ങ്ങി.രാ​വി​ലെ​ ​ഉ​ണ​ർ​ന്നെ​ണീ​റ്റ് ​മു​ഖം​ ​ക​ഴു​കി​ ​മു​റ്റ​ത്തി​റ​ങ്ങു​മ്പോ​ൾ​ ​ഭൂ​മി​യെ​ ​തൊ​ട്ടു​ക​ണ്ണി​ൽ​ ​വ​യ്ക്കും.​ ​പി​ന്നെ​ ​കി​ഴ​ക്കേ​ദി​ക്കി​ൽ​ ​ഇ​ത​ൾ​വി​രി​യു​ന്ന​ ​വെ​ളി​ച്ച​ത്തെ​ ​കൈ​കൂ​പ്പും.​ ​ഞാ​യ​റാ​ഴ്ച​ക​ളി​ൽ​ ​കൃ​ത്യ​മാ​യി​ ​പ​ള്ളി​യി​ൽ​ ​പോ​യി​രി​ക്കും.​ ​ഭൂ​മി​യി​ല്ലെ​ങ്കി​ൽ​ ​ദൈ​വ​വും​ ​ദേ​വാ​ല​യ​വു​മു​ണ്ടോ​?​ ​വെ​ളി​ച്ചം​ ​വ​രു​മ്പോ​ഴ​ല്ലേ​ ​ദൈ​വ​ത്തി​ന്റെ​ ​പു​ഞ്ചി​രി​ ​തെ​ളി​ഞ്ഞു​വ​രൂ.​ ​ഭൂ​മി​യി​ൽ​നി​ന്ന് ​ക്ഷ​മ​യും​ ​സ​ഹ​ന​വും​ ​സൂ​ര്യ​നെ​ക്ക​ണ്ട് ​കൃ​ത്യ​നി​ഷ്ഠ​യും​ ​പ​രി​ശീ​ലി​ക്ക​ണ​മെ​ന്നാ​ണ് ​മ​റി​യ​യു​ടെ​ ​വാ​ദ​ഗ​തി.
കു​ടും​ബാം​ഗ​ങ്ങ​ൾ​ ​ഒ​ത്തു​കൂ​ടു​മ്പോ​ഴും​ ​അ​വ​രു​മൊ​ത്ത് ​അ​ല്പം​ ​ല​ഹ​രി​ ​സേ​വി​ക്കു​മ്പോ​ഴും​ ​ഭാ​ര്യ​യു​ടെ​ ​നി​റ​ക്കു​റ​വി​നെ​ ​ആ​ന്റ​ണി​ ​ആ​ദ്യ​മൊ​ക്കെ​ ​സൂ​ചി​പ്പി​ക്കു​മാ​യി​രു​ന്നു.​ ​മ​റി​യ​യാ​ക​ട്ടെ​ ​അ​പ്പോ​ഴും​ ​ഒ​രു​ ​ഭാ​വ​ഭേ​ദ​വു​മി​ല്ലാ​തെ​ ​പു​ഞ്ചി​രി​ച്ചു​നി​ൽ​ക്കും.​ ​ത​ന്റെ​ ​സൗ​ന്ദ​ര്യ​ത്തി​ൽ​ ​മ​റി​യ​ ​ഭ്ര​മി​ച്ചെ​ന്നും​ ​അ​യാ​ൾ​ ​ക​ളി​യാ​ക്കു​മാ​യി​രു​ന്നു.​ ​കേ​ൾ​വി​ക്കാ​രി​ൽ​ ​ചി​ല​ർ​ ​അ​താ​സ്വ​ദി​ക്കു​മെ​ങ്കി​ലും​ ​മു​ത്ത​ശ്ശി​ ​ആ​ന്റ​ണി​യെ​ ​ശാ​സി​ക്കു​മാ​യി​രു​ന്നു.​ ​ആ​ന്റ​ണി​യു​ടെ​ ​ക​ണ്ണി​ന്റെ​ ​കു​ഴ​പ്പം​ ​കൊ​ണ്ടാ​ണ് ​മ​റി​യ​യു​ടെ​ ​യ​ഥാ​ർ​ത്ഥ​ ​വെ​ള്ള​ ​കാ​ണാ​നാ​കാ​ത്ത​തെ​ന്നും​ ​അ​വ​ർ​ ​കു​റ്റ​പ്പെ​ടു​ത്തും.​ ​വാ​ർ​ദ്ധ​ക്യ​വും​ ​രോ​ഗാ​വ​സ്ഥ​യും​ ​വ​രു​മ്പോ​ഴേ​ ​പ​ങ്കാ​ളി​യു​ടെ​ ​യ​ഥാ​ർ​ത്ഥ​ ​സ്നേ​ഹ​വും​ ​സൗ​ന്ദ​ര്യ​വും​ ​തി​രി​ച്ച​റി​യാ​നാ​കൂ​ ​എ​ന്ന് ​ബൈ​ബി​ളി​ൽ​ ​പ​റ​ഞ്ഞി​ട്ടു​ണ്ടെ​ന്നും​ ​മു​ത്ത​ശ്ശി​ ​ത​ട്ടി​വി​ടും.​ ​അ​ങ്ങ​നെ​ ​പ​റ​ഞ്ഞി​ട്ടു​ണ്ടോ​ ​പ​ഴ​യ​ ​നി​യ​മ​ത്തി​ലോ​ ​പു​തി​യ​ ​നി​യ​മ​ത്തി​ലോ​ ​ഏ​തു​ ​പേ​ജി​ൽ​ ​എ​ന്നൊ​ക്കെ​ ​സം​ശ​യം​ ​ചോ​ദി​ക്കു​മ്പോ​ൾ​ ​മു​ത്ത​ശ്ശി​ ​മ​റി​യ​യെ​ ​നോ​ക്കി​ ​ക​ണ്ണി​റു​ക്കും.
മ​റി​യ​യു​ടെ​യും​ ​ആ​ന്റ​ണി​യു​ടെ​യും​ ​അ​മ്പ​താം​ ​വി​വാ​ഹ​വാ​ർ​ഷി​കം​ ​കു​ടും​ബ​ത്തി​ലെ​ ​വ​ലി​യ​ ​ആ​ഘോ​ഷ​മാ​യി​രു​ന്നു.​ ​മ​റി​യ​ ​വ​ന്നു​ ​കേ​റി​യ​ശേ​ഷ​മാ​ണ് ​കു​ടും​ബ​ത്തി​ൽ​ ​സൗ​ഭാ​ഗ്യ​ങ്ങ​ൾ​ ​പെ​രു​കി​യ​തെ​ന്ന് ​ഒ​രു​ ​വ​ശം​ ​അ​ല്പം​ ​ത​ള​ർ​ന്ന​ ​മു​ത്ത​ശ്ശി​ ​വീ​ൽ​ചെ​യ​റി​ലി​രു​ന്ന് ​ആ​ശം​സി​ച്ച​തു​ ​കേ​ട്ട് ​എ​ല്ലാ​വ​രും​ ​കൈ​യ​ടി​ച്ചു.​ ​കൈ​പി​ടി​ച്ച് ​പ​ങ്കാ​ളി​യെ​ ​ജീ​വി​ത​ത്തി​ലേ​ക്ക് ​കൊ​ണ്ടു​വ​രു​ന്ന​ത് ​ഒ​രു​ ​സ്നേ​ഹ​ക്ക​രാ​റാ​ണ്.​ ​ആ​ണാ​യാ​ലും​ ​പെ​ണ്ണാ​യാ​ലും​ ​രോ​ഗാ​വ​സ്ഥ​യി​ൽ​ ​പ​ങ്കാ​ളി​യെ​ ​സ്‌നേ​ഹപൂ​ർ​വം​ ​പ​രി​ച​രി​ക്കു​ന്ന​വ​ർ​ക്ക് ​സ്വ​ർ​ഗം​ ​കി​ട്ടു​മെ​ന്ന് ​ബൈ​ബി​ളും​ ​പ​റ​യു​ന്നു​ണ്ട​ല്ലോ​ ​-​ ​മു​ത്ത​ശ്ശി​യു​ടെ​ ​വാ​ക്കു​ക​ൾ​ ​കേ​ട്ട് ​സ്നേ​ഹ​പൂ​ർ​വം​ ​ചി​ല​ർ​ ​സ​ന്ദേ​ഹി​ച്ചു​:​ ​മു​ത്ത​ശ്ശി​ ​ഏ​തു​ ​പേ​ജി​ൽ​ ​പ​ഴ​യ​ ​നി​യ​മ​ത്തി​ലോ​ ​പു​തി​യ​ ​നി​യ​മ​ത്തി​ലോ.​ ​മു​ത്ത​ശ്ശി​യും​ ​വി​ട്ടി​ല്ല.​ ​എ​ന്നെ​ ​പ​ഠി​പ്പി​ച്ച​ ​ശ്രീ​ധ​ര​ൻ​നാ​യ​ർ​ ​സാ​ർ​ ​പ​റ​ഞ്ഞി​ട്ടു​ണ്ട്.​ ​വ​ലി​യ​ ​പ​ണ്ഡി​ത​നാ​യി​രു​ന്നു.​ ​വേ​ദ​ങ്ങ​ളും​ ​പു​രാ​ണ​ങ്ങ​ളും​ ​ബൈ​ബി​ളും​ ​ഖു​ർ​ ​ആ​നു​മൊ​ക്കെ​ ​അ​ര​ച്ചു​ക​ല​ക്കി​ക്കു​ടി​ച്ച​ ​മ​ഹാ​ൻ.​ ​അ​ദ്ദേ​ഹ​ത്തി​ന്റെ​ ​ഒ​രു​ ​വാ​ക്യ​വും​ ​മു​ത്ത​ശ്ശി​ ​ഈ​ണ​ത്തി​ൽ​ ​ചൊ​ല്ലി.​ ​ഭൂ​ത​കാ​ലം​ ​പോ​യ​തു​മി​ല്ലെ​ടോ,​ ​ഭാ​വി​കാ​ലം​ ​വ​ന്നി​ട്ടു​മി​ല്ലെ​ടോ.​ ​ഇ​ല്ലാ​ത്ത​ ​വ​ർ​ത്ത​മാ​ന​കാ​ല​ത്തെ​ ​ര​ണ്ടും​ ​കൂ​ട്ടി​ ​തി​ന്ന​ങ്ങു​ ​തീ​ർ​ത്തെ​ടോ.​ ​മ​റി​യ​ക്കു​ട്ടി​യു​ടെ​ ​കൈ​യി​ലെ​ ​പാ​തി​ ​തി​ന്ന​ ​കേ​ക്ക് ​ചോ​ദി​ച്ചു​വാ​ങ്ങി​ ​മു​ത്ത​ശ്ശി​ ​തി​ന്നി​ട്ട് ​ആ​ ​കൈ​വി​ര​ലു​ക​ളി​ൽ​ ​മു​ത്ത​മി​ട്ടു.
ഫോ​ൺ​:​ 9946108220