റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ -മെയിൽ : samkhiyarathnam@gmail.com
(വൈകുന്നേരം 5 മണി 7 മിനിറ്റ് 21 സെക്കന്റ് വരെ ആയില്യം നക്ഷത്രം ശേഷം മകം നക്ഷത്രം. )
അശ്വതി: ഏറെക്കാലമായി കാത്തിരുന്ന ചില കാര്യങ്ങൾ സഫലമാകും, ശമ്പള വർദ്ധനവ് ഉണ്ടാകും, ഔദ്യോഗിക രംഗത്ത് പല ബുദ്ധിമുട്ടുകളും ഉണ്ടാകാം. വിദ്യാപരമായ മുന്നേറ്റം, ബന്ധുക്കളുടെ എതിര്‍പ്പുകളെ അതിജീവിക്കും, യാത്രാഗുണം.
ഭരണി: വിദേശത്ത് നിന്നും ജോലി സംബന്ധമായി അറിയിപ്പുകൾ ലഭിക്കാൻ സാദ്ധ്യതയുണ്ട്, കുടുംബ ജീവിതം സന്തോകരമായി മാറും, ആരോഗ്യകാര്യത്തിൽ ഭയപ്പെടാനില്ല. പുതിയ അവസരങ്ങള്‍, കീർത്തി പദവി എന്നിവ ലഭിക്കും, ഇഷ്ട ഭക്ഷണ ലബ്ധി.
കാര്‍ത്തിക: സഹപ്രവർത്തകരിൽ നിന്നും ചില ബുദ്ധിമുട്ടുകൾ ഉണ്ടാകാനും അദ്ധ്വാനഭാരം വർദ്ധിക്കാനും സാദ്ധ്യതയുണ്ട്. പ്രാർത്ഥനകളും വഴിപാടുകളും മുടങ്ങാതെ നടത്തുക, ആരോഗ്യപരമായി കരുതല്‍ വേണം.
രോഹിണി: അപകടസാദ്ധ്യതയുള്ള കാര്യങ്ങളിൽ നിന്ന് വിട്ടു നിൽക്കുക, അപവാദം കേൾക്കാനും ഇടയുണ്ട്. ദൈവാധീനം കുറഞ്ഞ ദിനം ആണ്, പ്രാർത്ഥനകൾ മുടങ്ങാതെ നടത്തുക. ദൂര യാത്രാക്ലേശം, നിര്‍ണ്ണായക നിമിഷങ്ങളിൽ ആത്മനിയന്ത്രണം പാലിക്കണം.
മകയിരം: സാമ്പത്തിക ബുദ്ധിമുട്ടുകൾ ഉണ്ടാവാൻ ഇടയുണ്ട്, വിദ്യാർത്ഥികൾ പഠനകാര്യങ്ങളിൽ അലസരാവും. പ്രാർത്ഥനകളും വഴിപാടുകളും മുടങ്ങാതെ നടത്തുക, ശാരീരികമായി ബുദ്ധിമുട്ടുകള്‍, ദാമ്പത്യ സുഖക്കുറവ് അനുഭവപ്പെടും, സഹോദരരുമായി കലഹം ഉണ്ടാകാതെ ശ്രദ്ധിക്കണം.
തിരുവാതിര: ആരോഗ്യത്തിൽ പ്രത്യേകം ശ്രദ്ധിക്കുക. ദൈവാധീനം കുറഞ്ഞ സമയമാണ്, തൊഴില്‍ രംഗത്ത് നിന്നും അപവാദങ്ങൾ കേൾക്കേണ്ടി വരും, യാത്രകളില്‍ അപകട സാദ്ധ്യത, ധനനഷ്ടം.
പുണര്‍തം: പ്രണയബന്ധങ്ങൾ മൂലം ധന നഷ്ടവും അപമാനവും ഉണ്ടാകും, സർക്കാർ ജീവനക്കാർക്ക് അനുകൂലമല്ലാത്ത രീതിയിൽ സ്ഥലംമാറ്റം ഉണ്ടാകാം, ശിക്ഷണ നടപടികള്‍ക്ക് വിധേയനാകും, അശുഭ കര്‍മ്മങ്ങളില്‍ പങ്കെടുക്കേണ്ടി വരും, പ്രാർത്ഥനകൾ മുടങ്ങാതെ നടത്തുക.
പൂയം: പ്രവർത്തന രംഗത്ത് അനുകൂലമായ മാറ്റങ്ങൾ ഉണ്ടാകും, ഒരുപാട് കാലമായി പരിശ്രമിക്കുന്ന കാര്യങ്ങൾ ഫലവത്താകും, കുടുംബ ജീവിതം സന്തോഷകരമാകും, സര്‍ക്കാര്‍ ജീവനക്കാര്‍ക്ക് ധനലാഭം, വ്യവഹാരങ്ങൾ നേരിടുന്നവർക്ക് വിജയം.
ആയില്യം: ജീവിതം സന്തോഷം നിറഞ്ഞതായിരിക്കും, അന്യനാട്ടിൽ കഴിയുന്നവർക്ക് ആഗ്രഹിച്ചിടത്തേക്ക് സ്ഥലം മാറ്റം ലഭിക്കും, തൊഴില്‍ ലാഭം, ധനാഗമന മാര്‍ഗങ്ങള്‍ക്ക് പുതിയ വഴികള്‍ തുറന്ന് കിട്ടും.
മകം: ഭാഗ്യം കൊണ്ട് ചില നേട്ടങ്ങളുണ്ടാകും, ആരോഗ്യം തൃപ്തികരം ആണ്, സാമ്പത്തിക ബുദ്ധിമുട്ടുകൾ ഒഴിവാകും, ജോലി സ്ഥിരമാകും, തൊഴിൽ രംഗത്ത് പ്രശസ്തിയും വിജയവും, ബിസിനസില്‍ നേട്ടം.
പൂരം: സർക്കാർ ജീവനക്കാർക്ക് സ്വന്തം നാട്ടിലേക്ക് സ്ഥലമാറ്റം ലഭിക്കും, കുട്ടികളില്ലാത്ത ദമ്പതികൾക്ക് സന്താന യോഗം തെളിയും, സാമ്പത്തിക നേട്ടം, സ്ത്രീകള്‍ മൂലം സുഖവും സമാധാനവും.
ഉത്രം: പഴയ വാഹനം മാറ്റി പുതിയത് വാങ്ങാൻ യോഗം, കുടുംബജീവിതം സന്തോഷം നിറഞ്ഞതായിരിക്കും, അവിവാഹിതരുടെ വിവാഹ കാര്യത്തിൽ അനുകൂലമായ തീരുമാനങ്ങൾ ഉണ്ടാകും, ബന്ധുക്കളുടെ എതിര്‍പ്പുകളെ അതിജീവിക്കാന്‍ സാധിക്കും, ഉല്ലാസകരമായ അനുഭവങ്ങള്‍.
അത്തം: ബന്ധുക്കളുടെ സഹായം ഗുണകരമാകും, നിയമ പ്രശ്നങ്ങളിൽ അനുകൂലമായ തീരുമാനം ഉണ്ടാകും. ജീവിതത്തില്‍ പുരോഗതി, യാത്രാഗുണം, ആപത്തുകളില്‍ നിന്നും രക്ഷ, അപവാദങ്ങൾ മാറികിട്ടും.
ചിത്തിര: പുതിയ സംരംഭങ്ങൾ ആരംഭിക്കാൻ സാധിക്കും, ഏർപ്പെടുന്ന കാര്യങ്ങളെല്ലാം വിജയത്തിൽ എത്തും, പങ്കുകച്ചവടം ലാഭകരമാകും, ആരോഗ്യസ്ഥിതി തൃപ്തികരം, വിദേശത്ത് പോകാന്‍ ആഗ്രഹിക്കുന്നവര്‍ക്ക് ആഗ്രഹം നടക്കും, ശിക്ഷണ നടപടികള്‍ ഒഴിഞ്ഞ് പോകും.
ചോതി: പുതിയ ഉദ്യോഗത്തിൽ പ്രവേശിക്കാനോ സ്ഥാനക്കയറ്റം ലഭിക്കാനോ സാദ്ധ്യതയുണ്ട്, കുടുംബത്തിൽ ഐശ്വര്യവും നിലനിൽക്കും, ദീർഘകാല പ്രതീക്ഷകൾ സഫലമാകും, ധനവരവ് വര്‍ദ്ധിക്കും, ജോലിമാറ്റം, കുടുംബസുഖം.
വിശാഖം: വിലപിടിപ്പുള്ള സാമഗ്രികള്‍ നഷ്ട്ടപ്പെടാതെ സൂക്ഷിക്കണം, സ്ത്രീജനങ്ങൾക്ക് അപഖ്യാതി കേള്‍ക്കാന്‍ സാദ്ധ്യത ഉള്ളതിനാല്‍ സൂക്ഷ്മതയോടെ കാര്യങ്ങള്‍ കൈകാര്യം ചെയ്യണം, തസ്കരഭയം ഉണ്ടാകും, അപവാദങ്ങളില്‍ പെടാതെ നോക്കണം, എതിര്‍പ്പുകള്‍ ഉണ്ടാകും.
അനിഴം: പൊതു സദസുകളില്‍ അപമാനിതരാകാതെ ശ്രദ്ധിക്കണം, ലഹരി പദാര്‍ത്ഥങ്ങളുടെ ഉപയോഗം കുറയ്ക്കുക, ചീത്തകൂട്ടുകെട്ടു മൂലം ദുഃശീലങ്ങള്‍ ഉണ്ടാകാന്‍ സാദ്ധ്യത, തൊഴില്‍ രംഗത്ത് പ്രയാസങ്ങള്‍ കൂടും, സല്‍കീര്‍ത്തിക്ക് കോട്ടം തട്ടും, ശയനസുഖം ലഭിക്കും.
കേട്ട: അസൂയക്കാരില്‍ നിന്നും ശല്യമുണ്ടാകും, സദാചാര വിരുദ്ധ ജീവിതം ഒഴിവാക്കണം, പൊതുജന പിന്തുണ കുറയും, കള്ളന്‍മാരെ കൊണ്ടുള്ള ഉപദ്രവം, ക്ഷമയില്ലായ്മ, ആരോഗ്യപ്രശനങ്ങൾ, ശത്രുക്കള്‍ മിത്ര രൂപത്തില്‍ വരികയും കുഴിയില്‍ ചാടിക്കുകയും ചെയ്യും.
മൂലം: പ്രണയത്തില്‍ നിന്നും വിട്ട് നില്‍ക്കണം, ഭരണാധികാരികള്‍ക്ക് പ്രതിസന്ധികൾക്ക് സാദ്ധ്യത, പ്രവര്‍ത്തികള്‍ക്ക് അംഗീകാരം കിട്ടില്ല, അശുഭ വാര്‍ത്തകള്‍ ശ്രവിക്കും, പരാജയ ഭീതി, തൊഴില്‍ ശ്രദ്ധയോടെ കൈകാര്യം ചെയ്യണം.
പൂരാടം: സന്താനങ്ങളുടെ മേല്‍ കരുതല്‍ വേണം, വാക്കു തര്‍ക്കങ്ങള്‍ നടത്തരുത്. ആരോഗ്യം ശ്രദ്ധിക്കണം, ആത്മീയത വർദ്ധിപ്പിക്കേണ്ടത് അത്യാവശ്യം, കടബാദ്ധ്യതകള്‍ മുഖേന ദുരിതങ്ങള്‍ വര്‍ദ്ധിക്കും. വിദേശ യാത്രയ്ക്ക് യോഗം.
ഉത്രാടം: ജീവിത പങ്കാളിയുടെ ആരോഗ്യ നില പ്രത്യേകം ശ്രദ്ധിക്കണം, കുടുംബത്തിൽ ഉണ്ടായിരുന്ന വിഷമതകള്‍ മാറിക്കിട്ടും, ജീവിത ചുറ്റുപാടുകളില്‍ സന്തോഷപ്രദമായ സാഹചര്യം വര്‍ദ്ധിക്കും.
തിരുവോണം: വിവാഹം നടക്കാന്‍ സാദ്ധ്യത, ലക്ഷ്യബോധത്തോടും ഏകാഗ്രതയോടു കൂടിയും പ്രവര്‍ത്തിച്ച് വിജയം നേടും, പുതിയ വാഹനം വാങ്ങാന്‍ അനുകൂലമായ സമയം, യാത്രയില്‍ നേട്ടം.
അവിട്ടം: മനസിനിഷ്ടപ്പെട്ട തൊഴില്‍ ലഭിക്കും, പൂര്‍വിക സ്വത്ത് ലഭിക്കും, പുസ്തകങ്ങള്‍ക്കും ഔഷധങ്ങൾക്കും ധനം ചെലവഴിക്കും, സഹോദര ഗുണം, പണമിടപാട് രംഗത്ത് മേന്മ, അനുകൂലമായ സ്ഥലമാറ്റം.
ചതയം: പുണ്യക്ഷേത്ര സന്ദര്‍ശനം നടത്തും, ജോലി അന്വേഷിക്കുന്നവര്‍ക്ക്‌ ജോലി ലഭിക്കും, പ്രണയബന്ധത്തിൽ നേട്ടം. ഗൃഹം മോടിപിടിപ്പിക്കുന്നതിന് അനുകൂല സമയം, ശാരീരികമായി ഉണ്ടായിരുന്ന ബുദ്ധിമുട്ടുകള്‍ കുറയും.
പൂരുരുട്ടാതി: കഠിനമായ അദ്ധ്വാനം കൊണ്ട് ചുമതലകള്‍ നിര്‍വഹിക്കും, പൂര്‍വിക സ്വത്ത് ലഭിക്കും, രോഗശമനം, അര്‍ഹിക്കുന്ന സ്ഥാനം ലഭിക്കും, എല്ലാവിധത്തിലും ഉള്ള സുഖാനുഭവങ്ങള്‍, മംഗള കര്‍മ്മങ്ങള്‍ക്ക് സാക്ഷിയാകും.
ഉത്രട്ടാതി: പൊതുരംഗത്തു പ്രശസ്തി, ഈശ്വര പ്രീതി നോക്കി മാത്രം കർമ്മങ്ങളിൽ പങ്കെടുക്കുക, വിദേശത്തുള്ള ബന്ധുക്കള്‍ വഴി സഹായങ്ങൾ, കുടുംബ സുഖം, എല്ലാവരും അനുകൂലമായ രീതിയില്‍ പെരുമാറും.
രേവതി: വിവാദങ്ങളില്‍ വിജയിക്കും, പ്രവൃത്തി മേഖലയില്‍ പ്രതിസന്ധികള്‍ മാറും, വ്യവഹാരത്തിൽ അനുകൂല വിധി നേടാൻ സാധിക്കും, തൊഴില്‍ ലഭിക്കും, വാഹനം, ഗൃഹം എന്നിവ വാങ്ങാന്‍ സാദ്ധ്യത, പൂര്‍വിക സ്വത്ത് ലഭിക്കും, യാത്രയിൽ നേട്ടങ്ങൾ.