ഇന്ന് അന്താരാഷ്ട്ര നഴ്സസ് ദിനം

കൊവിഡ്-19 വ്യാപനം തടയുന്നതിനും രോഗികളായവരെ തിരികെ ജീവിതത്തിലേക്കു കൊണ്ടുവരാനും രാപകലില്ലാതെ അധ്വാനിക്കുന്നവരാണ് 'ഭൂമിയിലെ മാലാഖമാർ' എന്ന് ഏവരും സ്നേഹത്തോടെ വിളിക്കുന്ന നഴ്സുമാർ.അവരെ ആദരിക്കുകയും അംഗീകരിക്കുയും ബഹുമാനിക്കുകയും ചെയ്യുന്ന ദിനമാണിന്ന്.

പ്രയാസങ്ങൾ നിറഞ്ഞ കോവിഡുകാലം

കോവിഡ് ഡ്യൂട്ടിയിലുള്ള നഴ്സുമാരിൽ പലരും മാനസികമായി ബുദ്ധിമുട്ടുകൾ നേരിടുന്നുണ്ടെങ്കിലും ചിരിച്ചുകൊണ്ടാണ് രോഗികൾക്കു മുന്നിലെത്തുന്നത്.എന്നാൽ, നഴ്സുമാരുടെ പ്രശ്നങ്ങൾ പലപ്പോഴും നാം കാണാതെ പോവുകയാണ്,പ്രത്യേകിച്ച് കോവിഡ് രോഗികളെ പരിചരിക്കുന്ന നഴ്സുമാരുടെ ബുദ്ധിമുട്ടുകൾ.പലരും മാനസികമായും ശാരീരികമായും ബുദ്ധിമുട്ടുകൾ നേരിട്ടു വരികയാണ്.കൂടെ ജോലി ചെയ്യുന്നവർക്ക് കോവിഡ് സ്ഥരീകരിച്ചെന്നറിയുന്നത് ഷിഫ്റ്റ് മാറി ഡ്യൂട്ടിക്കെത്തുമ്പോഴായിരിക്കും.അതിനാൽ ഏതുസമയവും അത് നേരിടാനുള്ള തയ്യാറെടുപ്പിലാണ് ജോലി ചെയ്യുന്നത്.സഹപ്രവർത്തകർക്ക് കൊവിഡ് ബാധിക്കുമ്പോൾ ആശങ്കയോടെ മാത്രമേ അവയെല്ലാം നോക്കിക്കാണാൻ സാധിക്കൂ.ബുദ്ധിമുട്ടുകൾ വീട്ടുകാരെ അറിയിച്ചാൽ അവരെയും വിഷമത്തിലാക്കുമെന്നതിനാൽ പലരും അറിയിക്കാറില്ല.കൊവിഡ് രോഗികളെ പരിചരിക്കുമ്പോൾ രോഗത്തെക്കാൾ രോഗിക്കാണ് ഞാൻ ഉൾപ്പെടെ നഴ്സുമാർ മുൻഗണന നൽകുന്നത്. പ്രോട്ടോക്കോൾ അനുസരിച്ച്, രോഗീസമ്പർക്കം പരമാവധി കുറയ്ക്കണം.പക്ഷേ, പലപ്പോഴും അത് സാധിക്കില്ല എന്നതാണ് സത്യം.ധൈര്യത്തോടെ പ്രവർത്തിക്കാൻ ആത്മവിശ്വാസം വളരെ പ്രധാനമെന്ന് കൂടുതൽ തിരിച്ചറിഞ്ഞത് കൊവിഡ് കാലത്താണ്.

കുവൈറ്റ് ആരോഗ്യവകുപ്പിന്റെ

പ്രശംസ

തു​ല്യ​ത​യി​ല്ലാ​ത്ത വെ​ല്ലു​വി​ളി​ക്ക്​ മു​ന്നി​ൽ ലോ​കം പ​ക​ച്ചു​നി​ന്ന​പ്പോ​ൾ മു​ന്നി​ൽ​നി​ന്ന്​ നേ​രി​ട്ട​വ​രെ ഏറെ പ​രി​ഗ​ണി​ച്ച നിലപാടാണ് കുവൈറ്റ് ആരോഗ്യവകുപ്പിന്.ഡോ​ക്​​ട​ർ​മാ​രും ന​ഴ്​​സു​മാ​രും സാ​ങ്കേ​തി​ക പ്ര​വ​ർ​ത്ത​ക​രും ഉ​ൾ​പ്പെ​ട്ട കു​വൈ​റ്റിലെ ആ​രോ​ഗ്യ​പ്ര​വ​ർ​ത്ത​ക​രും സ​വി​ശേ​ഷ പ​രാ​മ​ർ​ശം അ​ർ​ഹി​ക്കു​ന്നു. ക​ഴി​വും കാ​ര്യ​പ്രാ​പ്​​തി​യും അ​ർ​പ്പ​ണ മ​നോ​ഭാ​വ​വും കൈ​മു​ത​ലാ​ക്കി അ​വ​ർ ന​ട​ത്തു​ന്ന സേ​വ​ന​ത്തെ കു​വൈ​ത്ത്​ ആ​രോ​ഗ്യ​മ​ന്ത്രാ​ല​യ​വും സ്വ​ദേ​ശി​ക​ളും വി​ദേ​ശി​ക​ളും ഉ​ൾ​പ്പെ​ട്ട രാ​ജ്യ​നി​വാ​സി​ക​ളും ആ​ദ​ര​വോ​ടെ കാ​ണു​ന്നു.ലോ​ക​​ത്തി​​ലെ ഏ​റ്റ​വും ക​ഴി​വും കാ​ര്യ​ക്ഷ​മ​ത​യു​മു​ള്ള ന​ഴ്​​സു​മാ​ർ എ​ന്ന ബ​ഹു​മ​തി​ക്ക്​ ഒ​ത്ത പ്ര​വ​ർ​ത്ത​ന​മാ​ണ്​ ഈ ​കോ​വി​ഡ്​ കാ​ല​ത്ത്​ മ​ല​യാ​ളി ന​ഴ്​​സു​മാ​ർ കാ​ഴ്​​ച​വെ​ക്കു​ന്ന​ത്.അ​തു​കൊ​ണ്ടു​ത​ന്നെ കു​വൈ​ത്തി​ൽ കോ​വി​ഡ്​ വാ​ർ​ഡു​ക​ൾ ഉ​ൾ​പ്പെ​ടെ നി​ർ​ണാ​യ​ക സ്ഥ​ല​ങ്ങ​ളി​ലെ​ല്ലാം മ​ല​യാ​ളി ന​ഴ്​​സു​മാ​രെ​യാ​ണ്​ വി​ന്യ​സി​ക്കു​ന്ന​ത്.എ​ടു​ത്താ​ൽ പൊ​ങ്ങാ​ത്ത ജോ​ലി​ഭാ​രം കൊ​ണ്ട്​ ത​ള​രു​ന്നു​ണ്ട്​ അ​വ​ർ.ജീ​വ​ഭ​യം മാ​റ്റി​വെ​ച്ചാ​ണ്​​ കോ​വി​ഡി​​ന്‍റെ തു​ട​ക്ക​കാ​ല​ത്ത്​ അ​വ​ർ കൊ​ല​യാ​ളി വൈ​റ​സി​നെ ധീ​ര​ത​യോ​ടെ നേ​രി​ട്ട​ത്. ആ ​പോ​രാ​ട്ട​ത്തി​ൽ ര​ക്​​ത​സാ​ക്ഷി​ത്വം വ​രി​ച്ച​വ​രും നി​ര​വ​ധി. പേ​ഴ്​​സ​ന​ൽ പ്രൊ​ട്ട​ക്ഷ​ൻ ഇ​ക്വി​പ്​​മെൻറ്​ (പി.​പി.​ഇ) കി​റ്റി​ന​ക​ത്ത്​ 12 മ​ണി​ക്കൂ​ർ വി​യ​ർ​ത്തു​കു​ളി​ച്ച്​ വീ​ർ​പ്പു​മു​ട്ടി ചെ​യ്യു​ന്ന​തു​ത​ന്നെ ത്യാ​ഗ​മാ​ണ്.12 മ​ണി​ക്കൂ​ർ കി​റ്റി​ന​ക​ത്ത്​ നി​ൽ​ക്കേ​ണ്ടി​വ​രു​മ്പോ​ൾ ശു​ചി​മു​റി​ക​ളി​ൽ പോ​കു​ന്ന​ത് പോ​ലും അ​സാ​ധ്യ​മാ​ണ്.പ​രി​ച​ര​ണ​ത്തി​ന​പ്പു​റം രോ​ഗി​ക​ളു​ടെ വ്യ​ക്​​തി​പ​ര​മാ​യ കാ​ര്യ​ത്തി​ല​ട​ക്കം പു​ല​ർ​ത്തു​ന്ന ക​രു​ത​ലി​ൽ മ​ല​യാ​ളി ന​ഴ്​​സു​മാ​ർ മാ​തൃ​ക​യാ​ണ്.വാ​ക്​​സി​നേ​ഷ​ൻ കേ​ന്ദ്ര​ങ്ങ​ളി​ലും മ​ല​യാ​ളി ന​ഴ്​​സു​മാ​രാ​ണ്​ താ​രം.ഒ​രു തു​ള്ളി​പോ​ലും പാ​ഴാ​ക്കാ​തെ​യും ​ഓ​രോ​രു​ത്ത​രു​ടെ​യും ആ​രോ​ഗ്യാ​വ​സ്ഥ​യും രോ​ഗ​ച​രി​ത്ര​വു​മെ​ല്ലാം സൂ​ക്ഷ്​​മ​മാ​യി ചോ​ദി​ച്ച​റി​ഞ്ഞും സൂ​ക്ഷ്​​മ​ത​യോ​ടെ​യാ​ണ്​ അ​വ​ർ വാ​ക്​​സി​ൻ ന​ൽ​കു​ന്ന​ത്.33 ല​ക്ഷ​ത്തി​ലേ​റെ പേ​ർ​ക്ക്​ കു​ത്തി​വെ​പ്പെ​ടു​ത്തി​ട്ടും പി​ഴ​വി​​ന്‍റെ​യോ ഗു​രു​ത​ര​മാ​യ പാ​ർ​ശ്വ​ഫ​ല​ങ്ങ​ളു​ടെ​യോ ഒ​റ്റ റി​പ്പോ​ർ​ട്ട്​ പോ​ലും കു​വൈറ്റിൽ ഇ​ല്ല.വാ​ക്​​സി​ൻ ഗു​ണ​മേ​ന്മ​ക്കൊ​പ്പം ന​ഴ്​​സു​മാ​രു​ടെ ജാ​ഗ്ര​ത​യും ഇ​തി​ൽ എ​ടു​ത്തു​പ​റ​യേ​ണ്ട​താ​ണ്.മൊ​ബൈ​ൽ വാ​ക്​​സി​നേ​ഷ​ൻ യൂ​നി​റ്റു​ക​ളു​ടെ ഭാ​ഗ​മാ​യി ഫീ​ൽ​ഡി​ലും അ​വ​ർ സ​ജീ​വ​മാ​ണ്.

വ്യ​ക്​​തി​പ​ര​മാ​യ ത്യാ​ഗ​ങ്ങ​ളു​ടേ​ത്​ കൂ​ടി​യാ​ണ്​ ആ​രോ​ഗ്യ പ്ര​വ​ർ​ത്ത​ക​രെ സം​ബ​ന്ധി​ച്ചി​ട​ത്തോ​ളം കോ​വി​ഡ്​ കാ​ലം.കോ​വി​ഡ്​ വ്യാ​പ​ന പ​ശ്ചാ​ത്ത​ല​ത്തി​ൽ ആ​രോ​ഗ്യ പ്ര​വ​ർ​ത്ത​ക​രു​ടെ അ​വ​ധി മ​ര​വി​പ്പി​ച്ചി​രി​ക്കു​ക​യാ​ണ്​ അ​ധി​കൃ​ത​ർ.കോ​വി​ഡ്​ വാ​ർ​ഡു​ക​ളി​ൽ ജോ​ലി ചെ​യ്യു​ന്ന​വ​ർ​ക്ക്​ ത​ങ്ങ​ളേ​ക്കാ​ൾ ആ​ധി വീ​ട്ടി​ലു​ള്ള കു​ഞ്ഞു​ങ്ങ​ളെ പ​റ്റി​യാ​യി​രു​ന്നു.പ​ല​രും കു​ട്ടി​ക​ളെ ബ​ന്ധു​വീ​ടു​ക​ളി​ലാ​ക്കി.ജീ​വ​ൻ ര​ക്ഷി​ക്കാ​നു​ള്ള സാ​മൂ​ഹി​ക ദൗ​ത്യം എ​ന്ന നി​ല​യി​ൽ കാ​ണു​ന്ന​ത്​ കൊ​ണ്ടാ​ണ്​ പ്ര​യാ​സം സ​ഹി​ച്ചും ആ​രോ​ഗ്യ ജീ​വ​ന​ക്കാ​ർ ക​ഠി​നാ​ധ്വാ​നം ചെ​യ്യു​ന്ന​ത്.

മഹത്വം മനസ്സിലാക്കുന്ന നിമിഷം

സമൂഹത്തിൽ ഒരു നഴ്സിനു കിട്ടുന്ന ബഹുമാനം തന്നെയാണ് പ്രൊഫഷൻ എന്ന നിലയ്ക്ക് നഴ്സിംഗ് എടുക്കാൻ എന്നെ പ്രേരിപ്പിച്ചത്.രോഗം ബാധിച്ചു മുൻപിലെത്തുന്നവരുടെ പ്രതീക്ഷയുള്ള നോട്ടവും രോഗം ഭേദമാകുമ്പോഴുള്ള കണ്ണിലുള്ള പുഞ്ചിരിയും നന്ദിവാക്കും തന്നെയാണ് ഈ പ്രൊഫഷനെ സ്നേഹിക്കാൻ പ്രേരിപ്പിക്കുന്നത്.എല്ലാത്തിനുമുപരി ഇതും ഒരു തൊഴിലാണ്.ദിനംപ്രതി എത്തുന്ന രോഗികളെ ആദ്യം കാണുന്ന ആരോഗ്യപ്രവർത്തകരാണ് ഞങ്ങൾ.അവരുടെ ആകുലതകൾ ആദ്യമായി കേൾക്കുന്നവരാണ്.വാർഡിൽ അവരുടെ പരാതികൾ കേൾക്കാനായി 24മണിക്കൂറും കൂടെയുള്ളവരാണ്. ദൈന്യതകൾക്കൊടുവിൽ അവരുടെ മുഖത്തു വിരിയുന്ന പുഞ്ചിരി ആദ്യമായി കാണുന്നവരാണ്.

ആ പുഞ്ചിരികൾ,നല്ല വാക്കുകൾ ഞങ്ങളിൽ ഉണ്ടാക്കുന്ന ഒരു മാജിക് ഉണ്ട്. ഈ പ്രൊഫഷനോടുള്ള സ്നേഹം തോന്നിപ്പിക്കുന്ന മാന്ത്രികത.നീണ്ട ആശുപത്രി വാസത്തിനുശേഷം ഡിസ്ചാർജ് വാങ്ങി മടങ്ങുമ്പോൾ നമ്മളോട് യാത്ര പറയാനായി കാത്തുനിൽക്കും ചിലർ.പോകുന്ന പോക്കിൽ അവർ മനസ്സിന് തരുന്ന വല്ലാത്തൊരു കുളിർമയുണ്ട്.ചികിത്സയോടൊപ്പം,മരുന്നിനോടൊപ്പം അവരാഗ്രഹിക്കുന്ന എന്തോ ഒന്ന് കൂടി അവർക്ക് കൊടുക്കാൻ നമ്മുടെ കൈയിൽ ആരോ എന്നോ ഏൽപ്പിച്ചു വച്ചിട്ടുണ്ട്‌ എന്നൊരു തോന്നൽ.ഒരു രോഗിക്കും നഴ്സിനുമിടയിൽ അവർക്ക് മാത്രം മനസ്സിലാകുന്ന അവർക്ക് മാത്രം അനുഭവിക്കാൻ പറ്റുന്ന ആദൃശ്യമായ ഊർജം.നല്ല ആരോഗ്യപ്രവർത്തകരെ സൃഷ്ടിക്കുന്നത് മാന്യമായ തൊഴിൽ സാഹചര്യങ്ങളാണ്.കരഘോഷങ്ങൾക്ക് പകരം കൂടുതൽ തസ്തികകളും നിയമനങ്ങളും അടിസ്ഥാന ചികിത്സാ സൗകര്യങ്ങളും ഉണ്ടാകട്ടെ.ഒരു നഴ്സും ദൈവമല്ല...തൊഴിലാളിയാണ്...അതിലുപരി മനുഷ്യനാണ്.

(ലേഖകൻ കുവൈറ്റിൽ മിനിസ്ട്രി ഓഫ് ഹെൽത്തിന്റെ കീഴിൽ കെ.ഒ.സി ഹോസ്പിറ്റലിൽ രെജിസ്‌റ്റേർഡ് നഴ്‌സായി ജോലി നോക്കുന്നു).