കൊച്ചി: സംസ്ഥാനത്ത് സ്വർണവില കുറഞ്ഞു. 600 രൂപയാണ് ഇന്നലെ ഒറ്റയടിക്ക് താഴ്ന്നത്. ഈ മാസത്തെ ഏറ്റവും താഴ്ന്ന വിലയാണിത്. 37,160 രൂപയാണ് ഒരു പവൻ സ്വർണത്തിന്റെ ഇന്നലത്തെ വില. ഗ്രാമിന് 75 രൂപയാണ് കുറഞ്ഞത്. 4,645 രൂപയാണ് ഒരു ഗ്രാം സ്വർണത്തിന്റെ വില. ഈ മാസത്തിൽ പവന് 38,000 രൂപ വരെ ഉയർന്ന ശേഷമാണ് ഇന്നലെ സ്വർണവില 37,160 രൂപയിലെത്തിയത്. തിങ്കളാഴ്ച 38,000 രൂപയായിരുന്നു വില. തൊട്ടുപിന്നാലെ തുടർച്ചയായ രണ്ടു ദിവസങ്ങളിൽ വില കുറഞ്ഞു. വ്യാഴാഴ്ച വീണ്ടും ഉയർന്ന സ്വർണവില ഇന്നലെ കുറയുകയായിരുന്നു.