തിരുവനന്തപുരം: കണിയാപുരം ഗവൺമെന്റ് യു.പി.എസിലെ വിവിധ പദ്ധതികളുടെ ഉദ്ഘാടനം മന്ത്രി ജി.ആർ. അനിൽ നിർവഹിച്ചു. സ്മാർട്ട് ക്ലാസ് റൂം, കുടിവെള്ള ശുദ്ധീകരണ യൂണിറ്റ്, ശിശു സൗഹൃദ ക്ലാസ് റൂം, സമത കണിയാപുരം നിർമ്മിച്ച കിഡ്സ്‌ പാർക്ക് എന്നിവയുടെ ഉദ്ഘാടനമാണ് നടന്നത്. പൂർവ അദ്ധ്യാപകരെ മന്ത്രി ആദരിച്ചു.
അണ്ടൂർക്കോണം ഗ്രാമപഞ്ചായത്ത് പ്രസിഡന്റ് നിലയം ഹരി അദ്ധ്യക്ഷനായി. യു.എസ്.എസ് നേടിയ വിദ്യാർത്ഥികൾക്ക് ജില്ലാ പഞ്ചായത്ത് പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ എം. ജലീലും എൽ.എസ്.എസ് നേടിയ വിദ്യാർത്ഥികൾക്ക് നിലയം ഹരിയും ഉപഹാരം നൽകി. പോത്തൻകോട് ബ്ലോക്ക്‌ പഞ്ചായത്ത് പ്രസിഡന്റ് ഹരി പ്രസാദ് മുഖ്യ പ്രഭാഷണം നടത്തി. എം.എ. വാഹിദ്, ബ്ലോക്ക്‌ പഞ്ചായത്ത് മെമ്പർ ഷിബില സക്കീർ, മെമ്പർ ബുഷ്‌റ നവാസ്, പി.ടി.എ പ്രസിഡന്റ് ഷിറാസ് എം.എച്ച്, ബി.പി.സി ഉണ്ണിക്കൃഷ്ണൻ, ഡോ. അബ്ദുൽ റഷീദ്, കവി ചാന്നാങ്കര ജയ പ്രകാശ്, പൊടിമോൻ അഷറഫ്, സമത പ്രസിഡന്റ് അനസ് എം. ബഷീർ, ഹെഡ് മാസ്റ്റർ എം. നജിമുദീൻ, സ്റ്റാഫ് സെക്രട്ടറി അമീർ കണ്ടൽ എന്നിവർ സംസാരിച്ചു.