ആപ്പിളിന്റെ തൊലിയിൽ അതിന്റെ പകുതിയോളം ഗുണങ്ങളും അടങ്ങിയിരിക്കുന്നതെന്ന് ആരോഗ്യവിദഗ്ദർ പറയുന്നു. ഒരു ഇടത്തരം ആപ്പിളിന്റെ തൊലിയിൽ വിറ്റാമിൻ സി, വിറ്റാമിൻ എ, പൊട്ടാസ്യം എന്നിവയുണ്ട്. തൊലി കളയുന്നതോടെ പോഷകങ്ങളുടെ മൂന്നിലൊന്ന് നഷ്‌ടപ്പെടും. തൊലിയിലിൽ മാംസത്തേക്കാൾ നാലിരട്ടി വിറ്റാമിൻ കെ അടങ്ങിയിട്ടുണ്ട്.
ശരീരകോശങ്ങളുടെ വളർച്ചയ്‌ക്കും അസ്ഥികളുടെയും സന്ധികളുടെയുമെല്ലാം ആരോഗ്യകരമായ പരിപാലനത്തിനുമെല്ലാം വിറ്റാമിൻ കെ പ്രോട്ടീനുകൾ പ്രയോജനപ്പെടും. ആപ്പിളിന്റെ തൊലിയിൽ കൂടുതലായി കാണപ്പെടുന്ന ക്വെർസെറ്റിൻ എന്ന ആന്റിഓക്‌സിഡന്റ് ശ്വസന പ്രശ്‌നങ്ങളെ ലഘൂകരിക്കും.
മസ്‌തിഷ്‌ക ഭാഗത്തെ കോശങ്ങളിലുണ്ടാകുന്ന തകരാറുകളെ ചെറുക്കാനും ഓർമ്മശക്തിയെ സംരക്ഷിച്ചു നിർത്താനും ക്വെർസെറ്റിൻ ആവശ്യമാണ്. കാര്യം ഇങ്ങനെയൊക്കെയാണെങ്കിലും കഴിക്കുന്നതിന് മുമ്പ് ആപ്പിൾ നന്നായി കഴുക്കാൻ ആരും മറക്കേണ്ട
