ദിലീപും കാവ്യയുമായുള്ള ബന്ധത്തെക്കുറിച്ച് മീശമാധവൻ എന്ന ചിത്രത്തിന്റെ കാലത്ത് തന്നെ മഞ്ജു വാര്യർക്ക് അറിയാമായിരുന്നെന്ന് നിർമാതാവ് ലിബർട്ടി ബഷീർ. അമേരിക്കയിൽ നടന്ന ഷോയുടെ സമയത്തല്ല പ്രശ്നങ്ങൾ രൂപപ്പെട്ടു തുടങ്ങിയതെന്നും ലിബർട്ടി ബഷീർ വെളിപ്പെടുത്തി.

'മഞ്ജുവിന് ദിലീപിന്റെ വീട്ടിൽ യാതൊരു സ്വാതന്ത്ര്യവും ഉണ്ടായിരുന്നില്ല. ഫോൺ വിളിച്ചാൽ തന്നെ മ‌ഞ്ജുവിനെ നേരിട്ട് ലഭിക്കുമായിരുന്നില്ല. എല്ലാ കാര്യങ്ങളും ചോദിച്ച് അറിഞ്ഞതിന് ശേഷം മാത്രമേ ഫോൺ മഞ്ജുവിന് കൈമാറുകയുള്ളൂ. അല്ലെങ്കിൽ ദിലീപിന്റെ അമ്മയോ സഹോദരിമാരോ ഫോൺ എടുത്തശേഷം കാര്യങ്ങൾ ചോദിച്ചറിഞ്ഞിട്ട് മാത്രമേ ഫോൺ നൽകൂ.

മീശമാധവൻ സിനിമയുടെ സമയത്ത് മീനാക്ഷിയ്ക്ക് മൂന്ന് മാസം പ്രായമുള്ള സമയത്ത് തന്നെ ദിലീപും കാവ്യയുമായുള്ള ബന്ധത്തെക്കുറിച്ച് മഞ്ജുവിന് അറിയാമായിരുന്നു. കാവ്യയുടെ വിവാഹം കഴിയുന്നതിന് മുൻപ് തന്നെ ദിലീപിന്റെ ലൊക്കേഷനിൽ കാവ്യ താമസിക്കുമായിരുന്നു. അമേരിക്കൻ പര്യടനത്തിനിടെ അതിജീവിത മഞ്ജുവിനോട് വിവരങ്ങൾ പറഞ്ഞപ്പോൾ അല്ല പ്രശ്നങ്ങളുടെ തുടക്കം. എന്നാൽ മഞ്ജു ഇക്കാര്യങ്ങൾ അറിയാമെന്ന് ദിലീപ് അറിഞ്ഞിരുന്നില്ല'- ബഷീർ പറഞ്ഞു.