തിരുവനന്തപുരം: രണ്ടുദിവസം മാറ്റമില്ലാതെ നിന്നതിന് ശേഷം സംസ്ഥാനത്ത് വീണ്ടും സ്വർണവില ഉയർന്നു. ഒരു പവൻ സ്വർണത്തിന് 80 രൂപയാണ് വർദ്ധിച്ചത്. 38,280 രൂപയാണ് ഇന്നത്തെ വിപണി വില.

മേയ് ആദ്യവാരം ഇടിഞ്ഞുകൊണ്ടിരുന്ന സ്വർണവില മാസം പകുതിയായപ്പോൾ ഉയർന്ന് തുടങ്ങി.മേയ് ഒന്നിന് 37,920 രൂപയായിരുന്നു വില. മേയ് 14ന് 37,000 രൂപയിലെത്തി. ഇവിടെ നിന്ന് വീണ്ടും കുതിപ്പ് തുടർന്നു.

മേയ് 18ന് 36,880 രൂപ എന്ന ഈ മാസത്തെ ഏറ്റവും കുറഞ്ഞ നിലയിൽ സ്വർണവില എത്തിയിരുന്നു. ഇപ്പോഴത്തെ വിലയായ 38,280 ഈ മാസത്തെ ഏറ്റവും ഉയർന്ന നിരക്കാണ്.

ഒരു ഗ്രാം 22 കാരറ്റ് സ്വർണത്തിന്റെ വിലയിൽ 10 രൂപയുടെ വർദ്ധനവാണ് സംസ്ഥാനത്ത് ഉണ്ടായത്. ഒരു ഗ്രാം 22 കാരറ്റ് സ്വർണത്തിന്റെ വിപണി വില ഇതോടെ 4785 രൂപയായി.

ഒരു ഗ്രാം 18 കാരറ്റ് സ്വര്‍ണത്തിന്‍റെ വിലയും ഉയർന്നിട്ടുണ്ട്. 10 രൂപ വർദ്ധിച്ച് വിപണി വില 3955 രൂപയിലെത്തി. അതേസമയം, വെള്ളിയുടെ വിലയിൽ മാറ്റമില്ല. സംസ്ഥാനത്ത് വെള്ളിയുടെ വിപണി വില 67 രൂപയാണ്.