ഇക്കഴിഞ്ഞ ഐ.പി.എല്ലിൽ തകർപ്പൻ പ്രകടനമാണ് സഞ്ജു സാംസൺ നയിച്ച രാജസ്ഥാൻ റോയൽസ് പുറത്തെടുത്തത്. ഫെെനലിൽ ഗുജറാത്തിനോട് പരാ‌‌ജയപ്പെട്ടെങ്കിലും രാജസ്ഥാന് കായിക പ്രേമികൾ നിറഞ്ഞ കെെയടി നൽകിയിരുന്നു. ഇപ്പോഴിതാ സഞ്ജുവിന്റെ ടീമിനെ അഭിനന്ദിച്ച് രംഗത്തെത്തിയിരിക്കുകയാണ് നടനും മുൻ എം.പിയുമായ സുരേഷ് ഗോപി. സോഷ്യൽ മീഡിയയിലൂടെയായിരുന്നു താരത്തിന്റെ പ്രതികരണം.

താരത്തിന് രാജസ്ഥാൻ റോയൽസ് തങ്ങളുടെ ജഴ്‌സി അയച്ചുകൊടുത്തിരുന്നു. രാജസ്ഥാൻ ഫ്രാഞ്ചെെസിക്കുള്ള നന്ദിയും നടൻ അറിയിച്ചു. ടീമിന്റെ ഭാവിക്ക് എല്ലാവിധ ഭാവുകങ്ങളും നേർന്ന താരം ജേഴ്‌സിയുടെ ചിത്രവും പങ്കുവച്ചിട്ടുണ്ട്. എസ്.ജി 250 എന്നാണ് ജേഴ്‌സിയിൽ എഴുതിയിരിക്കുന്നത്.

സിനിമാ ജീവിതത്തിൽ 250 ചിത്രങ്ങൾ പിന്നിട്ടിരിക്കുകയാണ് സുരേഷ് ഗോപി. ഇതിനോടുള്ള ആദരസൂചകമാണ് എസ്.ജി 250. ടോമിച്ചൻ മുളകുപാടം നിർമ്മിക്കുന്ന 'ഒറ്റക്കൊമ്പന്‍' ആണ് സുരേഷ് ഗോപിയുടെ 250ആം ചിത്രം. എസ്.ജി 250 എന്ന പേരിലാണ് ചിത്രം ശ്രദ്ധ നേടിയത്. മാത്യൂസ് തോമസാണ് സംവിധാനം ചെയ്യുന്ന ചിത്രത്തിന്റെ തിരക്കഥ ഷിബിന്‍ ഫ്രാന്‍സ് ആണ്.

Congratulations to our very own @IamSanjuSamson and team #RR on a splendid IPL campaign! Glad to have this elegant jersey and my gratitude to everyone at @rajasthanroyals for sending. Good luck in all your future endeavors!#IPLFinal #IPL2022 #SanjuSamson #SG250 #RajasthanRoyals pic.twitter.com/yOMlmhA6Ih

— Suresh Gopi (@TheSureshGopi) May 31, 2022