പാലക്കാട്: ഗുരുവായൂർ ദേവസ്വം ബോർഡ് മെമ്പറായി തിരഞ്ഞെടുത്ത കെ.ആർ.ഗോപിനാഥിനെ എസ്.എൻ.ഡി.പി യോഗം പാലക്കാട് യൂണിയൻ അനുമോദിച്ചു. യൂണിയൻ വൈസ് പ്രസിഡന്റ് യു.പ്രഭാകരൻ അദ്ധ്യക്ഷത വഹിച്ചു. യൂണിയന്റെ സ്നേഹോപഹാരം പ്രസിഡന്റ് ആർ.ഭാസ്‌കരൻ കെ.ആർ.ഗോപിനാഥിന് കൈമാറി. അഡ്വ.കെ.രഘു സംസാരിച്ചു. യോഗം ഡയറക്ടർമാരായ ബി.വിശ്വനാഥൻ, ജി.രവീന്ദ്രൻ, പി.മുരുകൻ, കൗൺസിലർമാരായ കെ.ഉണ്ണികൃഷ്ണൻ, കെ.അരവിന്ദാക്ഷൻ, കെ.അനന്തകുമാർ, ജി.ജയപ്രകാശ്, രാജേഷ് വേനോലി, പോഷക സംഘടനാ ഭാരവാഹികളായ പത്മാവതി പ്രഭാകരൻ, പ്രോമകുമാരി ശിവദാസ്, നിവിൻ ശിവദാസ്, വി.സുരേഷ് എന്നിവർ പങ്കെടുത്തു.