കോന്നി: കൊന്നപ്പാറയിൽ വ്യാജവാറ്റ് തേടി പോയ എക്സൈസ് സംഘം ചാരായവും കള്ളത്തോക്കും പിടികൂടി.
ഇന്നലെ വൈകിട്ട് കൊന്നപ്പാറ കാർമ്മൽചേരി ഐ.പി.സി ചർച്ചിന് സമീപം പുഷ്പകുമാറിന്റെ വീട്ടിൽ നിന്നാണ് ചാരായത്തോടൊപ്പം കള്ളത്തോക്കും ലഭിച്ചത്. പത്തനംതിട്ട എക്സൈസ് സ്ക്വാഡ് സംഘം രഹസ്യ വിവരത്തെ തുടർന്ന് വീട്ടിൽ വ്യാജ വാറ്റ് നടക്കുകയും, മദ്യം വിൽക്കുകയും ചെയ്യുന്നു എന്ന രഹസ്യ വിവരത്തെ തുടർന്നായിരുന്നു പരിശോധന. ചോദ്യം ചെയ്യലിൽ തോക്കിന് ലൈസൻസ് ഇല്ലെന്ന് കണ്ടെത്തി. പ്രതിയോടൊപ്പം കള്ളത്തോക്കും എക്സൈസ് സംഘം കസ്റ്റഡിയിലെടുത്തു. പ്രതിയെ കോന്നി താലൂക്ക് ആശുപത്രിയിൽ വൈദ്യ പരിശോധനയ്ക്ക് ശേഷം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. പത്തനംതിട്ട എക്സൈസ് സ്ക്വാഡ് സി.ഐ.എസ്. ഷിജു,വനിതാ സിവിൽ എക്സൈസ് ഓഫീസർ ഗീതാലക്ഷ്മി ,സിവിൽ എക്സൈസ് ഓഫീസർ രഞ്ജിത്ത്,മനോജ് കുമാർ,ബിനു വർഗീസ്,രാധാകൃഷ്ണപിള്ള, എന്നിവർ റെയ്ഡിൽ പങ്കെടുത്തു.