ആലപ്പുഴ: നൂതന ഡിജിറ്റൽ സർവേ സാങ്കേതികവിദ്യയായ കണ്ടിന്യൂയസ്ലി ഓപ്പറേറ്റിംഗ് റഫറൻസ് സ്റ്റേഷന്റെ (കോർസ്) സംസ്ഥാനതല ഉദ്ഘാടനം റവന്യൂ മന്ത്രി കെ. രാജൻ നാളെ നിർവഹിക്കും. ഉച്ചയ്ക്ക് 12ന് പുന്നപ്ര ഡോ. അംബേദ്കർ മെമ്മോറിയൽ ഗവൺമെന്റ് മോഡൽ റസിഡൻഷ്യൽ സ്‌കൂളിൽ നടക്കുന്ന ചടങ്ങിൽ മന്ത്രി സജി ചെറിയാൻ അദ്ധ്യക്ഷത വഹിക്കും. എച്ച്. സലാം എം.എൽ.എ. മുഖ്യാതിഥിയാകും. കെ.ജി എസ്.സാംബശിവ റാവു, കെ. ബിജു, ജില്ലാ കളക്ടർ ഡോ.രേണുരാജ്, ജി.ഡി.സി ഡയറക്ടർ പി.വി.രാജശേഖരൻ, അഡ്വ. ഷീബ രാകേഷ്, സജിതാ സതീശൻ,ഗീതാ ബാബു, പ്രിറ്റി തോമസ്, വർഗീസ് ഏബ്രഹാം തുടങ്ങിയവർ പങ്കെടുക്കും. സർവേ ജോലികൾ ത്വരിതപ്പെടുത്തുന്നതിനും സംസ്ഥാനത്തെ എല്ലാ സർവേ പ്രവർത്തനങ്ങളും ഒരു നെറ്റ് വർക്കിനു കീഴിൽ കൊണ്ടുവരുന്നതിനുമായാണ് കോർസ് സംവിധാനം സജ്ജമാക്കിയിരിക്കുന്നത്.