മല്ലപ്പള്ളി: പത്തനംതിട്ട, കോട്ടയം ജില്ലകളിലെ കുട്ടികൾക്കായുള്ള കായിക പരിശീലന ക്യാമ്പ് ആദ്യഘട്ടം ഇന്ന് സമാപിക്കും. വൈകിട്ട് മൂന്നിന്മല്ലപ്പള്ളി പബ്ലിക് ഇൻഡോർ സ്റ്റേഡിയത്തിൽ ചേരുന്ന ചടങ്ങിൽ മന്ത്രി റോഷി അഗസ്റ്റിൻ യോഗം ഉദ്‌ഘാടനം ചെയ്യും. പരിശീലനം നേടിയവർക്ക് സർട്ടിഫിക്കറ്റുകളും ജേഴ്‌സിയും സമ്മാനിക്കും. വോളിബാൾ പ്രദർശന മത്സരവും നടത്തും. സൊസൈറ്റി ചെയർമാൻ ജോസഫ് എം.പുതുശേരി അദ്ധ്യക്ഷത വഹിക്കും.വോളിബാൾ, ഫുട്‍ബോൾ, ഹാൻഡ്‌ബോൾ, ക്രിക്കറ്റ്, ഷട്ടിൽ ബാഡ്മിന്റൺ എന്നിവക്ക് പുറമെ അത്‍ലറ്റിക്സിലും പരിശീലനം നൽകുന്ന ക്യാമ്പിന്റെ ആദ്യഘട്ടം മേയ് നാലിനാണ് ആരംഭിച്ചത്. ഇൻഡോർ സ്റ്റേഡിയത്തിന് പുറമെ സി.എം.എസ്.സ്കൂൾ മൈതാനിയിലുമായിരുന്നു ക്ലാസുകൾ. ബിനോയ് പണിക്കമുറി, ഡബ്ലു.എ.ജോൺ എന്നിവർ കൺവീനർമാരും തുരുത്തിക്കാട് ബി.എ.എം.കോളേജ് കായികവിഭാഗം മുൻ മേധാവി തോമസ് സ്കറിയ ക്യാമ്പ് ഡയറക്ടറുമായി പ്രവർത്തിക്കുന്നു. സി.എം.എസ്. ഹയർസെക്കൻഡറി സ്കൂൾ കായിക വിഭാഗം മേധാവി ജിക്കു സി.ചെറിയാൻ, വിജയകുമാർ,എസ്.ആനന്ദ് എന്നിവരുടെ നേതൃത്വത്തിലുള്ള അദ്ധ്യാപകരാണ് പരിശീലിപ്പിക്കുന്നത്. വോളിബാൾ, ഫുട്‍ബോൾ, ഹാൻഡ്‌ബോൾ, ക്രിക്കറ്റ് എന്നിവയിൽ രണ്ടാം ഘട്ട പരിശീലനം ഉടനെ തുടങ്ങും. ഫോൺ-94470 72224. 94461 87273.