തിരുവല്ല: എസ്.എൻ.ഡി.പി.യോഗം തിരുവല്ല യൂണിയനിലെ 6326 -ാം തൈമറവുംകര ശാഖയുടെ ആഭിമുഖ്യത്തിൽ സ്കൂൾ കുട്ടികൾക്കുള്ള പഠനോപകരണ വിതരണം 22ന് നടക്കും. രാവിലെ 9ന് ശാഖാ പ്രസിഡന്റ് സിജു കാവിലേത്തിന്റെ അദ്ധ്യക്ഷതയിൽ തിരുവല്ല യൂണിയൻ സെക്രട്ടറി അനിൽ എസ് .ഉഴത്തിൽ ഉദ്ഘാടനം ചെയ്യും. ശാഖാ സെക്രട്ടറി രാജേഷ് ശശിധരൻ, വൈസ് പ്രസിഡന്റ് സുജിത്ത് ശാന്തി, കുമാരിസംഘം യൂണിയൻ കോ-ഓർഡിനേറ്റർ ശോഭ ശശിധരൻ എന്നിവർ മുഖ്യപ്രഭാഷണം നടത്തും. വനിതാസംഘം വൈസ് പ്രസിഡന്റ് രശ്മി അനീഷ്, സെക്രട്ടറി ശ്രീജ പ്രദീപ്, യൂത്ത് മൂവ്മെന്റ് പ്രസിഡന്റ് രഞ്ചിത്ത് കുമാർ ആർ, സെക്രട്ടറി ഹരിലാൽ കാവിലേത്ത് എന്നിവർ പ്രസംഗിക്കും.