പത്തനംതിട്ട : എസ്.എസ്.എൽ.സി, പ്ലസ് ടു പഠനം പാതിവഴിയിൽ മുടങ്ങിയവർക്ക് സൗജന്യമായി തുടർപഠനം സാദ്ധ്യമാക്കുന്നതിന് കേരള പൊലീസിന്റെ ഹോപ്പ് പദ്ധതിയിൽ രജിസ്റ്റർ ചെയ്യാം. പഠനം പൂർത്തിയാക്കാൻ കഴിയാതെ പോയ 18 വയസിനു താഴെയുള്ളവർക്ക് അതത് ജില്ലയിലാണ് പരിശീലനം. വിദഗ്ദ്ധരായ അദ്ധ്യാപകരുടെ ക്ലാസുകളും മെന്ററിംഗ്, മോട്ടിവേഷൻ പരിശീലനങ്ങളും ഹോപ്പ് പദ്ധതിയുടെ ഭാഗമാണ്. നിരവധി തൊഴിലധിഷ്ഠിത കോഴ്‌സുകൾ പഠിക്കുന്നതിന് കുട്ടികൾക്ക് അവസരം ലഭിക്കും. ജൂൺ 5ന് മുമ്പ് രജി​സ്റ്റർ ചെയ്യണം. ഫോൺ​: 9497900200.