തിരുവല്ല: ടി.കെ.റോഡിലെ മഞ്ഞാടിയിൽ നിയന്ത്രണം നഷ്ടപ്പെട്ട കാർ വൈദ്യുത പോസ്റ്റിൽ ഇടിച്ചു മറിഞ്ഞുണ്ടായ അപകടത്തിൽ യാത്രക്കാരിക്ക് പരിക്കേറ്റു. ഓമല്ലൂർ കൊല്ലക്കാമണ്ണിൽ ഗ്രേസ് വില്ലയിൽ ഗ്രേസി സാമുവൽ (45) നാണ് പരിക്കേറ്റത്. ഇന്നലെ രാവിലെ 9ന് മഞ്ഞാടി ജംഗ്ഷന് സമീപമായിരുന്നു അപകടം. അഗ്നിരക്ഷാ സേനയെത്തിയാണ് കാർ റോഡിൽ നിന്ന് മാറ്റിയത്. അപകടത്തിൽ സാരമായി പരിക്കേറ്റ ഗ്രേസിയെ തിരുവല്ലയിലെ സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.