കോന്നി: കുടലിൽ പേപ്പട്ടിയുടെ ആക്രമണത്തിൽ ആറുപേർക്ക് പരിക്ക്. ഇന്നലെ രാവിലെ ജംഗ്ഷനിൽ ബസ് കാത്തു നിന്ന കൂടൽ എസ്.എൻ യു.പി സ്കൂളിന് സമീപം താമസിക്കുന്ന പങ്കജത്തിനെയാണ് ആദ്യം പേപ്പട്ടി കടിച്ചത്. തുടർന്ന് ഇടത്തറ മുതൽ ഗാന്ധി ജംഗ്ഷൻ വരെ റോഡിൽ പലരെയും പേപ്പട്ടി കടിച്ചു. നിരവധി തെരുവ് നായ്കൾക്കും കടിയേറ്റു. പിന്നീട് പേപ്പട്ടിയെ ജീപ്പിടിച്ച് കൊല്ലുകയായിരുന്നു. റോഡിലൂടെ നടന്നുപോയവർക്കും, കടകളുടെ വരാന്തയിൽ നിന്നവർക്കും പേപ്പട്ടിയുടെ കടിയേറ്റിട്ടുണ്ട്. പരിക്കേറ്റവരെ കോന്നി താലൂക്ക് ആശുപത്രിയിലും, പത്തനംതിട്ട ജനറൽ ആശുപത്രിയും പ്രവേശിപ്പിച്ചു. കൂടൽ ജംഗ്ഷനിലും പരിസര പ്രദേശങ്ങളിലും തെരുവ് നായ്ക്കളുടെ ശല്യം രൂക്ഷമാണ്.