എ​ഴു​കോൺ : പ്ലാ​സ്റ്റി​ക് പാ​ഴ് വ​സ്​തു​ക്കൾ കെ​ട്ടി കി​ട​ക്കു​ന്ന ത​ദ്ദേ​ശ സ്ഥാ​പ​ന​ങ്ങ​ളിൽ മെ​ഗാഡ്രൈ​വ് ന​ട​ത്തു​മെ​ന്ന് ശു​ചി​ത്വ മി​ഷൻ ജി​ല്ലാ കോ​ഓർ​ഡി​നേ​റ്റർ സൗ​മ്യ ഗോ​പാ​ല​കൃ​ഷ്​ണൻ പ​റ​ഞ്ഞു.
ക​രീ​പ്ര​യി​ലും വെ​ളി​യ​ത്തും ഹ​രി​ത കർ​മ്മ സേ​ന ശേ​ഖ​രി​ച്ച പ്ലാ​സ്റ്റി​ക് മാ​ലി​ന്യം സം​ഭ​ര​ണ കേ​ന്ദ്ര​ങ്ങ​ളിൽ കു​ന്നു​കൂ​ടി കി​ട​ക്കു​ന്നു​വെ​ന്ന കേ​ര​ള കൗ​മു​ദി വാർ​ത്ത​യോ​ട് പ്ര​തി​ക​രി​ക്കു​ക​യാ​യി​രു​ന്നു അ​വർ. മാ​ലി​ന്യം ത​രം തി​രി​ച്ച് നൽ​കു​ന്ന​തി​ലെ അ​പാ​കതയാണ് സം​ഭ​ര​ണ കേ​ന്ദ്ര​ത്തിൽ നി​ന്ന് സം​സ്​കര​ണ കേ​ന്ദ്ര​ത്തി​ലേ​ക്കു​ള്ള നീ​ക്ക​ത്തി​ന് ത​ടസമാ​കു​ന്ന​ത്. ഹ​രി​ത കർ​മ്മ സേ​നാം​ഗ​ങ്ങ​ളു​ടെ കു​റ​വും പ​ഞ്ചാ​യ​ത്ത് ത​ല ക​ള​ക്ഷൻ സെന്റ​റു​ക​ളി​ലെ (എം.സി.എ​ഫ്) അ​സൗ​ക​ര്യ​ങ്ങ​ളു​മാ​ണ് പ്ര​ധാ​ന കാ​ര​ണം.പ​ര​വൂർ ന​ഗ​ര​സ​ഭ​യി​ലും, ക​രീ​പ്ര, പൂ​യ​പ്പ​ള്ളി, വെ​ളി​യം പ​ഞ്ചാ​യ​ത്തു​ക​ളി​ലു​മാ​ണ് പ്ലാ​സ്റ്റി​ക് മാ​ലി​ന്യം കെട്ടിക്കിടക്കുന്നത്. പ​ര​വൂ​രിൽ 11 ഹ​രി​ത കർ​മ്മ​സേ​നാം​ഗ​ങ്ങൾ മാ​ത്ര​മാ​ണു​ണ്ടാ​യി​രു​ന്ന​ത്. ശു​ചി​ത്വ മി​ഷ​ന്റെ മെ​ഗാഡ്രൈ​വി​ലൂ​ടെ ഇ​പ്പോൾ ഇ​ത് 40 ആ​യി ഉ​യർ​ന്നി​ട്ടു​ണ്ട്. പൂ​യ​പ്പ​ള്ളി പ​ഞ്ചാ​യ​ത്തി​ലെ​യും പ്ര​ശ്‌​ന​ങ്ങളും ഏ​റെ കു​റേ പ​രി​ഹ​രി​ച്ചു.

ക​രീ​പ്ര​യിൽ മെഗാഡ്രൈവ്

ക​രീ​പ്ര​യാ​ണ് ശു​ചി​ത്വ മി​ഷൻ അ​ടു​ത്ത മെ​ഗാഡ്രൈ​വി​നാ​യി തി​ര​ഞ്ഞെ​ടു​ത്തി​ട്ടു​ള്ള ത​ദ്ദേ​ശ സ്ഥാ​പ​നം. ഇ​വി​ടെ വാർ​ഡ് ത​ല എം.സി.എ​ഫു​കൾ സ്ഥാ​പി​ക്കു​ന്ന​തി​ന്10 ല​ക്ഷം രൂ​പ ബ​ന്ധ​പ്പെ​ട്ട സ്ഥാ​പ​ന​ത്തി​ന് നൽ​കി നാ​ളു​ക​ളേ​റെ ആ​യി​ട്ടും എം.സി.എ​ഫു​കൾ സ്ഥാ​പി​ച്ചി​ട്ടി​ല്ല. ഇ​ത് മൂ​ലം വാർ​ഡ് ത​ല​ത്തിൽ ശേ​ഖ​രി​ക്കു​ന്ന പ്ലാ​സ്റ്റി​ക്കു​കൾ മ​ഴ ന​ന​യാ​തെ സൂ​ക്ഷി​ക്കാ​നാ​കാ​തെ വ​ല​യു​ക​യാ​ണ് ഹ​രി​ത കർ​മ്മ സേ​ന. ജി​ല്ല​യിൽ 100 ശ​ത​മാ​ന​ത്തി​ല​ധി​കം പ​ദ്ധ​തി പ​ണം ചെ​ല​വ​ഴി​ച്ച പ​ഞ്ചാ​യ​ത്തു​ക​ളു​ടെ പ​ട്ടി​ക​യിൽ പെ​ടു​ന്ന​താ​ണ് ക​രീ​പ്ര പ​ഞ്ചാ​യ​ത്ത്.