കൊല്ലം: കിഴക്കേ കല്ലടയെയും മൺറോത്തുരുത്തിനെയും ബന്ധിപ്പിക്കുന്ന ഇടിയക്കടവ് പാലത്തിന് സമാന്തരമായി പുതിയ പാലം വരുന്നു. നി​ർമ്മാണത്തി​ന്റെ ആദ്യഘട്ടമായി സർവേ, മണ്ണ് പരിശോധന,

ഡിസൈൻ തയ്യാറാക്കാനുളള ഇൻവെസ്റ്റിഗേഷൻ എന്നിവയ്ക്ക് എസ്റ്റിമേറ്റ് തയ്യാറാക്കി ഭരണാനുമതിക്കായി സർക്കാരിൽ സമർപ്പിച്ചു.

പഴയ പാലത്തിന്റെ അറ്റകുറ്റപ്പണികൾക്കായി 22.24 ലക്ഷം രൂപയുടെ എസ്റ്റിമേറ്റ് തയ്യാറാക്കി ഭരണാനുമതിക്ക് സമർപ്പി​ച്ചി​ട്ടുണ്ടെന്ന് പൊതുമരാമത്ത് വകുപ്പ് എക്സിക്യുട്ടിവ് എൻജിനീയർ (പാലം)
ജില്ലാ വികസന സമിതി യോഗത്തിൽ അറിയിച്ചു. വികസന സമിതിയംഗം എബ്രഹാം സാമുവൽ നൽകിയ കത്തിനുളള മറുപടിയിലാണ് ഇത് വ്യക്തമാക്കിത്.

 പഴക്കം 50 വർഷം

50 വർഷത്തോളം പഴക്കമുളള പാലം പുനർനിർമ്മിക്കണമെന്നത് നാട്ടുകാരുടെ നിരന്തര ആവശ്യമായിരുന്നു. ഭാരവാഹനങ്ങളുടെ യാത്ര പാലത്തിൽ ഇടയ്ക്ക് നിരോധിച്ചിരുന്നു. പാലത്തിന്റെ പടിഞ്ഞാറു ഭാഗത്ത് കരയോടു ചേർന്നുളള ഭാഗത്തെ സംരക്ഷണ ഭിത്തി ഇടിഞ്ഞു വീഴുമെന്ന നിലയിലാണ്. പാലത്തിന്റെ തൂണുകളി​ൽ ചെറി​യ വി​ള്ളലുമുണ്ട്. 1973ൽ ടി.കെ. ദിവാകരൻ പൊതുമരാമത്ത് വകുപ്പ് മന്ത്രിയായിരിക്കുമ്പോഴാണ് പാലം ഗതാഗതത്തിനായി തുറന്നു കൊടുത്തത്. മുതിരപ്പറമ്പ് മുതൽ മണക്കടവ് കായൽ വരെ മൂന്നു കിലോമീറ്റർ വരുന്ന പുത്തനാറി​ലാണ് പാലം. വർഷങ്ങളായി അറ്റകുറ്റപ്പണികൾ നടക്കുന്നി​ല്ല. കൊല്ലം, കരുനാഗപ്പളളി, കൊട്ടാരക്കര എന്നിവി​ടങ്ങളിൽ നിന്ന് ചിറ്റുമല വഴി മൺറോതുരുത്തിലേക്കുളള ബസുകളും വി​നോദ സഞ്ചാരി​കളുടെ വാഹനങ്ങളും ഈ പാലത്തിലൂടെയാണ് കടന്നു പോകുന്നത്.

ഗ്രാമീണ ടൂറിസത്തിലൂടെ ശ്രദ്ധേയമായ മൺറോതുരുത്തിലേക്ക് ദിനംപ്രതി നൂറുകണക്കിന് ടൂറിസ്റ്റുകൾ വന്നുപോകുന്ന റോഡാണിത്. പുതിയ പാലം അനി​വാര്യമാണ്

നാട്ടുകാർ