കൊട്ടാരക്കര: കൊട്ടാരക്കര മഹാഗണപതി ക്ഷേത്രത്തിലെ മേടത്തിരുവാതിര ഉത്സവത്തിന്റെ ഭാഗമായി നഗരത്തിൽ ഗതാഗത നിയന്ത്രണം ഏർപ്പെടുത്തിയതായി റൂറൽ എസ്.പി കെ.ബി.രവി അറിയിച്ചു. 6ന് വൈകിട്ട് മൂന്നുമുതൽ രാത്രി 9 വരെയാണ് നിയന്ത്രണം.

 പുനലൂർ ഭാഗത്തുനിന്ന് കൊട്ടാരക്കര വഴി കൊല്ലം ഭാഗത്തേക്ക് പോകേണ്ട വാഹനങ്ങൾ ചെങ്ങമനാട് നിന്ന് ഇടത്തോട്ടു തിരിഞ്ഞ് വെട്ടിക്കവല സദാനന്ദപുരം, പ്ലാപ്പള്ളി, നെല്ലിക്കുന്നം, അമ്പലപ്പുറം വഴി അമ്പലത്തുംകാല എത്തി യാത്ര തുടരേണ്ടതാണ്.

 പുനലൂർ നിന്ന് കൊട്ടാരക്കര വഴി അടൂർ ഭാഗത്തേക്ക് പോകേണ്ട വാഹനങ്ങൾ കിഴക്കേതെരുവ് നിന്ന് വലത്തോട്ടു തിരിഞ്ഞ് പാലനിരപ്പ്, പാറക്കടവ് വഴി മുട്ടമ്പലത്ത് എത്തി യാത്ര തുടരേണ്ടയാണ്.

 പുനലൂർ നിന്ന് കൊട്ടാരക്കരയുള്ള വാഹനങ്ങൾ കോട്ടപ്പുറം ജംഗഷനിൽ യാത്ര അവസാനിപ്പിക്കണം.

 എം.സി റോഡിൽ അടൂർ നിന്ന് ആയൂർ ഭാഗത്തേക്കു പോകുന്ന വാഹനങ്ങൾക്ക് മൈലം വില്ലേജ് ഓഫീസ് ജംഗ്ഷനിൽ നിന്ന് ഇടത്തേക്കു തിരിഞ്ഞ് ഗോവിന്ദമംഗലം റോഡ് സെന്റ് മേരീസ് സ്കൂൾ വഴി കരിക്കത്തെത്തി യാത്ര തുടരാം.

 അടൂർ ഭാഗത്തു നിന്ന് കൊല്ലം ഭാഗത്തേക്കു വരുന്ന വാഹനങ്ങൾ കുളക്കട പുത്തൂർ മുക്കിൽ തിരിഞ്ഞ് മാറനാട് വഴി ചീരങ്കാവിൽ എത്തിച്ചേർന്നോ, വള്ളക്കടവിൽ നിന്ന് വലത്തേക്ക് തിരിഞ്ഞ് ആലഞ്ചേരി, മൂഴിക്കോട് നെടുവത്തൂർ വഴിയോ പോകാവുന്നതാണ്.

 ആയൂർ ഭാഗത്തു നിന്ന് അടൂർ ഭാഗത്തേക്ക് എം.സി റോഡ് വഴി നിയന്ത്രിത ഗതാഗതം അനുവദിക്കുന്നതാണ്.

 പുത്തൂർ നിന്ന് കൊട്ടാരക്കരയ്ക്ക് വരുന്ന വാഹനങ്ങൾ മുസ്ലിംസ്ട്രീറ്റിൽ യാത്ര അവസാനിപ്പിക്കേണ്ടതും, ഓയൂർ ഭാഗത്തു നിന്ന് കൊട്ടാരക്കരയ്ക്ക് വരുന്ന വാഹനങ്ങൾ തൃക്കണ്ണമംഗലിൽ യാത്ര അവസാനിപ്പിക്കേണ്ടതുമാണ്.

 കെട്ടുകാഴ്ച ആരംഭിച്ചുകഴിഞ്ഞാൽ ക്ഷേത്ര പരിസരത്തോ കൊട്ടാരക്കര- പുലമൺ റോഡിലോ വാഹനഗതാഗതവും പാർക്കിംഗും അനുവദിക്കുന്നതല്ല.