കരുനാഗപ്പള്ളി : കടലിന്റെ മക്കൾക്ക് അക്ഷരദീപം പകർന്ന് നൽകിയ പ്രബോധിനി ഗ്രന്ഥശാല മലയാളികളുടെ അക്ഷരപുണ്യമാണെന്ന് പ്രശസ്ത സാഹിത്യകാരൻ പെരുമ്പടവം ശ്രീധരൻ പറഞ്ഞു. പ്രബോധനി ഏർപ്പെടുത്തിയ സാഹിത്യ പുരസ്‌ക്കാരം സ്വീകരിച്ചുകൊണ്ട് സംസാരിക്കുകയായിരുന്നു അദ്ദേഹം. പ്രബോധിനി അങ്കണത്തിൽ സംഘടിപ്പിച്ച പുരസ്‌കാരദാനചടങ്ങ് ഡെപ്യുട്ടി സ്പീക്കർ ചിറ്റയം ഗോപകുമാർ ഉദ്ഘാടനം ചെയ്തു. സി.ആർ.മഹേഷ് എം.എൽ.എ അദ്ധ്യക്ഷത വഹിച്ചു. ജഡ്ജിംഗ് കമ്മിറ്റി ചെയർമാൻ ഡോ.വള്ളിക്കാവ് മോഹൻദാസ് പുരസ്‌കാര ജേതാവിനെയും കൃതിയേയും പരിചയപ്പെടുത്തി. ലൈബ്രറി കൗൺസിൽ പ്രസിഡന്റ് അഡ്വ. പി. ബി. ശിവൻ,​ സെക്രട്ടറി വി.വിജയകുമാർ ഗ്രന്ഥശാല ആലപ്പാട് ഗ്രാമ പഞ്ചായത്ത് കൺവീനർ സുധീ ശങ്കരൻ, നേഹ വിനീത്,​ എം. വത്സലൻ,​ ബിജി ബാനർജി,​ നന്ദുലാൽ,​ സി.ഹരി മോൻ,ഷൈനി മോൾ ,സുനിൽരാജ് എന്നിവർ സംസാരിച്ചു. ഗ്രന്ഥശാല പ്രസിഡന്റ് പി.ദീപു സ്വാഗതവും ലൈബ്രേറിയൻ ശിവാചന്ദ്രൻ നന്ദിയും പറഞ്ഞു.