കൊല്ലം: എസ്.ഡി.പി.ഐ ജില്ലാ കമ്മിറ്റിയുടെ നേതൃത്വത്തിൽ ചരിത്രകാരനും മനുഷ്യാവകാശ പ്രവർത്തകനുമായിരുന്ന ഡോ. എം.എസ്. ജയപ്രകാശ് അനുസ്മരണം സംഘടിപ്പിച്ചു. കല്ലുപാലം മർച്ചന്റ്സ് ചേംബർ ഹാളിൽ നടന്ന യോഗം സംസ്ഥാന ട്രഷറർ എ.കെ.സലാഹുദ്ദീൻ ഉദ്ഘാടനം ചെയ്തു. ജില്ലാ പ്രസിഡന്റ് അബ്ദുൽ ലത്തീഫ് അദ്ധ്യക്ഷനായി. ശ്രീനാരയണ മൂവ്മെന്റ് പ്രസിഡന്റ് എസ്. സുവർണകുമാർ, വെൽഫെയർ പാർട്ടി ജില്ലാ പ്രസിഡന്റ് അഡ്വ. സജീബ്, പോപ്പുലർ ഫ്രണ്ട് കൊല്ലം വെസ്റ്റ് ജില്ലാ സെക്രട്ടറി സബീർ മുതിരപ്പറമ്പ്, എസ്.ഡി.ടി.യു ജില്ലാ പ്രസിഡന്റ് എ.കെ.ഷെരീഫ്, വുമൺ ഇന്ത്യ മൂവ്മെന്റ് ജില്ലാ ട്രഷറർ സനൂജ സാദിഖ്, എസ്.ഡി.പി.ഐ ജില്ലാ ഭാരവാഹികളായ നജുമുദീൻ, രാഖി അശോകൻ, ഹബീബ് കൊല്ലം എന്നിവർ സംസാരിച്ചു. ജില്ലാ ജനറൽ സെക്രട്ടറി ഷഫീഖ്.എം.അലി സ്വാഗതം പറഞ്ഞു.