കുന്നത്തൂർ : ശാസ്താംകോട്ട ഗ്രാമ പഞ്ചായത്ത് പ്രസിഡന്റിന്റെ ലഹരി - ഗുണ്ടാ മാഫിയ ബന്ധം അന്വേഷിക്കണമെന്നാവശ്യപെട്ട് യൂത്ത് കോൺഗ്രസ് കുന്നത്തൂർ ബ്ലോക്ക് കമ്മിറ്റിയുടെ നേതൃത്വത്തിൽ ശാസ്താംകോട്ട പഞ്ചായത്തോഫീസിലേക്ക് നടത്തിയ ബഹുജന മാർച്ച് എ.ഐ.സി.സി അംഗം ബിന്ദു കൃഷ്ണ ഉദ്ഘാടനം ചെയ്തു. ബ്ലോക്ക് പ്രസിഡന്റ് നിഥിൻ കല്ലട അദ്ധ്യക്ഷനായി. ജില്ലാ പ്രസിഡന്റ് ആർ.അരുൺ രാജ്,സംസ്ഥാന ജനറൽ സെക്രട്ടറിമാരായ ദിനേശ് ബാബു, ഫൈസൽ കുളപ്പാടം,അനുതാജ്,കോൺഗ്രസ് നേതാക്കളായ എം.വി.ശശികുമാരൻ നായർ, വൈ.ഷാജഹാൻ, തുണ്ടിൽ നൗഷാദ്, പി.കെ.രവി, അനസ് ഖാൻ, നാദിർഷാ കാരൂർക്കടവ്,ഹാഷിം സുലൈമാൻ, ഉണ്ണി ഇലവിനാൽ, സുരേഷ്, ലോജു ലോറൻസ്, സുരേഷ് ചന്ദ്രൻ, വൈ.നജിം, റിജോ കല്ലട തുടങ്ങിയവർ പ്രസംഗിച്ചു. ഫിൽറ്റർ ഹൗസ് ജംഗ്ഷനിൽ നിന്ന് ആരംഭിച്ച മാർച്ചിന് പി.ആർ. അനൂപ്, വിപിൻ സിജു, ഷാഫി ചെമ്മാത്ത്,അജയകുമാർ, സിനി,ഷീജ രാധാകൃഷ്ണൻ,സരസ്വതിഅമ്മ, തടത്തിൽ സലിം, ജയശ്രീ രമണൻ തുടങ്ങിയവർ നേതൃത്വം നൽകി.