പരവൂർ: പരവൂർ നഗരസഭ ആരോഗ്യ വിഭാഗവും ഭക്ഷ്യസുരക്ഷാ വകുപ്പും സംയുക്തമായി ഇന്നലെ നടത്തിയ പരിശോധനയിൽ പരവൂർ മാർക്കറ്റിലും വിവിധ പ്രദശങ്ങളിലും നി​ന്ന് 25 കിലോ പഴകിയ മത്സ്യം പിടികൂടി നശിപ്പിച്ചു. ഫുഡ് ഇൻസ്പെക്ടർ സുജിത് പെരേര, സീനിയർ ഹെൽത്ത് ഇൻസ്പെക്ടർ എം.മനോജ്, ഹെൽത്ത് ഇൻസ്പെക്ടർ ആഷ്‌ലിൻ ഡിസിൽവ, ജൂനിയർ ഹെൽത്ത് ഇൻസ്പെക്ടർമാരായ ധന്യ എസ്.ചന്ദ്രൻ, എസ്.ആർ.സരിൻ എന്നിവരടങ്ങുന്ന സ്ക്വാഡാണ് പരി​ശോധന നടത്തി​യത്. വരും ദിവസങ്ങളിലും പരിശോധന ശക്തമാക്കുമെന്ന് സെക്രട്ടറി കെ.ആർ.അജി അറിയിച്ചു.