ഒരാഴ്ച മുമ്പ് ആരംഭിച്ച കട പൂട്ടി

പത്തനാപുരം: ദിവസങ്ങൾക്ക് മുമ്പ് ആരംഭിച്ച മീൻകടയിൽ നിന്ന് ഭക്ഷ്യയോഗ്യമല്ലാത്ത മത്സ്യവും ഇറച്ചിയും പിടികൂടി. ആരോഗ്യ, ഭക്ഷ്യസുരക്ഷാ, പഞ്ചായത്ത് അധിക്യതർ നടത്തിയ പരിശോധയിലാണ് കിലോക്കണക്കിന് മത്സ്യവും മാംസവും കണ്ടെത്തിയത്. പത്തനാപുരം പള്ളിമുക്കിലാണ് സംഭവം.
ഒരാഴ്ച മുമ്പാണ് ആൻവി ഫ്രഷ് എന്ന സ്ഥാപനം ഇവിടെ പ്രവർത്തനം തുടങ്ങിയത്. ഇപ്പോൾ സംസ്ഥാന വ്യാപകമായി നടത്തി വരുന്ന പരിശോധനയുടെ ഭാഗമായിട്ടാണ് പത്തനാപുരത്തും വ്യാപാര സ്ഥാപനങ്ങളിൽ റെയ്ഡ് നടത്തിയത്. പഴകിയ ഇറച്ചിയും മത്സ്യവും കണ്ടെത്തിയതോടെ കട പൂട്ടാൻ അധികൃതർ നി‌ർദ്ദേശം നൽകി.
ലൈസൻസ് ഇല്ലാതെയാണ് മാംസം വിപണനം നടത്തിയെന്ന് പഞ്ചായത്ത് അധികൃതർ പറഞ്ഞു. വരും ദിവസങ്ങളിലും പരിശോധന നടക്കും.