കൊല്ലം: പ്രൊഫ. ആദിനാട് ഗോപിയുടെ പേരിൽ ഏർപ്പെടുത്തിയ പ്രഥമ സാഹിത്യ പുരസ്കാരം കെ. സച്ചിദാനന്ദന്. സാഹിത്യ രംഗത്തെ സമഗ്ര സംഭാവന കണക്കിലെടുത്താണ് പുരസ്കാരം നൽകുന്നതെന്ന് ജില്ലാ ലൈബ്രറി കൗൺസിൽ പ്രസിഡന്റ് കെ.ബി. മുരളീകൃഷ്ണനും സെക്രട്ടറി ഡി. സുകേശനും അറിയിച്ചു.
18ന് വൈകിട്ട് 5ന് കൊല്ലം പ്രസ് ക്ലബിൽ വച്ച് മന്ത്രി ഡോ. ആർ. ബിന്ദു അവാർഡ് സമ്മാനിക്കും. ജില്ലാ ലൈബ്രറി കൗൺസിലും പ്രൊഫ. ആദിനാട് ഗോപിയുടെ കുടുംബാംഗങ്ങളും ചേർന്നാണ് പുരസ്കാരം ഏർപ്പെടുത്തിയിരിക്കുന്നത്.